ప్రపంచాన్నే నడిపించే డీజిల్ ఇంజిన్. దీన్ని కనిపెట్టిన వ్యక్తి మర్మమైన మరణం. నేపథ్యం ఏమిటి.? ఒక చారిత్రక కోణం.!

నేటి ఆధునిక ప్రపంచంలో సరుకు రవాణా నౌకలు, రైళ్లు, బారీ వాహనాలు మరియు పారిశ్రామిక యంత్రాలు నడవడానికి అత్యంత ముఖ్యమైన ఇంధనంగా, శక్తిగా ఉంది డీజిల్ ఇంజిన్.

మానవ సమాజపు ఉత్పత్తి మరియు రవాణా రంగాలలో అతిపెద్ద విప్లవాన్ని/నవోదయాని తీసుకువచ్చిన ఈ ఆవిష్కరణ కర్త జర్మనీకి చెందిన ప్రసిద్ధ ఇంజనీర్ రుడాల్ఫ్ డీజిల్. ఇతని ఆవిష్కరణ ప్రపంచాన్ని అత్యంత వేగంగా నడిపించినప్పటికీ, ఇతని చివరి రోజులు మరియు మరణం నేటికీ విప్పలేని అతిపెద్ద మర్మంగానే మిగిలిపోయింది.

19వ శతాబ్దపు ఉత్తరార్థంలో, ఆవిరితో నడిచే ఇంజిన్లు అత్యల్ప సామర్థ్యంతో పనిచేసేవి. ఇది చూసిన రుడాల్ఫ్ డీజిల్, అధిక పీడనాన్ని ఉపయోగించి అత్యల్ప ఇంధనంతో ఎక్కువ శక్తిని ఇచ్చే కొత్త రకం ఇంజిన్‌ను కనుగొనే పరిశోధనలో తీవ్రంగా శ్రమించారు. ఎన్నో సంవత్సరాల కఠిన శ్రమ తర్వాత, 1890లలో ఆయన తయారుచేసిన కంప్రెషన్ ఇగ్నిషన్ ఇంజిన్ (అధిక పీడన మంట ఇంజిన్) అతిపెద్ద విజయాన్ని సాధించింది. ఈయన చేసిన ఈ అసాధారణ ఆవిష్కరణకు గౌరవంగానే ఆ ఇంజిన్‌కు, దానికి ఉపయోగించే ఇంధనానికి ‘డీజిల్’ అని పేరు పెట్టారు.

డీజిల్ ఇంజిన్ రాక ప్రపంచవ్యాప్తంగా గొప్ప ఆదరణ పొంది, రుడాల్ఫ్ డీజిల్‌కు గౌరవాన్ని, ఖ్యాతిని తెచ్చిపెట్టినప్పటికీ, వ్యాపారపరమైన పోటీలు, ఆర్థిక ఇబ్బందులు ఆయనను చుట్టుముట్టాయి. ఇటువంటి పరిస్థితుల్లో, 1913 సెప్టెంబర్ 29న, లండన్‌లో జరిగే ఒక ముఖ్యమైన సమావేశంలో పాల్గొనడానికి ‘డ్రెస్డెన్’ అనే ఆవిరి నౌకలో రుడాల్ఫ్ డీజిల్ ప్రయాణమయ్యారు. ఆ రోజు రాత్రి భోజనం ముగించుకుని తన గదికి వెళ్లిన ఆయన, మరుసటి రోజు ఉదయం తలుపు తీసి చూసేసరికి మాయమయ్యారు.

ఆయన నౌక నుండి సముద్రంలో పడి చనిపోయారని చెప్పినప్పటికీ, కొన్ని రోజుల తర్వాత సముద్రంలో తేలుతున్న ఆయన మృతదేహాన్ని స్వాధీనం చేసుకున్నారు. ఇది ఆత్మహత్య లేదా వ్యాపార పోటీ, రాజకీయ కారణాల వల్ల పక్కా ప్రణాళికతో చేసిన హత్య అనే ప్రశ్న ప్రపంచవ్యాప్తంగా సంచలనం సృష్టించింది. జర్మనీ, ఇంగ్లాండ్‌లలో అనేక ఊహాగానాలు వచ్చినప్పటికీ, ఆయన మరణానికి గల నిజమైన కారణం నేటికీ అధికారికంగా స్పష్టంగా తెలియలేదు. ప్రపంచాన్నే నడిపించిన ఒక గొప్ప ఆవిష్కర్త జీవితం, ఇలాంటి ఒక మర్మమైన ముగింపును చూడటం చరిత్రలోని విచారకరమైన పుటలలో ఒకటిగా మిగిలిపోయింది.