“ప్రాణం పోయినా పర్వాలేదు!”.. ఒక్క క్షణం ఆలస్యమైతే అంతే సంగతులు! తమ్ముడి కోసం అక్క చేసిన సాహసం.. వైరల్ వీడియో!

ప్రపంచంలోనే అత్యంత పవిత్రమైన బంధం అన్నాచెల్లెళ్లు, అక్కాతమ్ముళ్ల అనుబంధం. వారు ఎంతగా గొడవ పడినా, ఆపద అని వస్తే ఒకరి కోసం ఒకరు ప్రాణాలైనా ఇస్తారనడానికి ఈ వీడియో ఒక నిదర్శనం.

ఎక్స్ (Twitter) వేదికగా వైరల్ అవుతున్న ఈ వీడియోలో, ఒక పర్యాటక ప్రాంతంలోని జలపాతం వద్ద నీరు ఉధృతంగా ప్రవహిస్తోంది. ఆ సమయంలో అనుకోకుండా ఒక చిన్న బాలుడు నీటి ప్రవాహంలో కొట్టుకుపోయాడు. అది చూసిన అతని అక్క, ఒక్క క్షణం కూడా ఆలోచించకుండా ఆ ఉధృత ప్రవాహంలోకి దూకి తమ్ముడిని గట్టిగా పట్టుకుంది.

రాళ్ల మధ్య నీరు ఎంత వేగంగా ప్రవహిస్తున్నా, తమ్ముడి చేయి జారిపోకూడదని ఆమె పట్టుదలతో పోరాడింది. ఇది గమనించిన తోటి పర్యాటకులు వెంటనే స్పందించి, వారిద్దరినీ సురక్షితంగా బయటకు తీశారు. “తమ్ముడే నా ప్రాణం” అన్నట్లుగా ఆ అక్క చూపిన ధైర్యసాహసాలపై నెటిజన్లు ప్రశంసల వర్షం కురిపిస్తున్నారు.