ప్రేమ వ్యవహారంలో ఒక యువకుడు హత్యకు గురైన ఉదంతం వెలుగులోకి వచ్చింది.
బ్యాడ్మింటన్ క్రీడాకారుడు: రాజస్థాన్లోని బివాడి, సైద్పూర్ గ్రామానికి చెందిన మోను (21). ఇతను బ్యాడ్మింటన్ క్రీడాకారుడు. పాఠశాల స్థాయిలో రాష్ట్ర స్థాయి పోటీల్లో పాల్గొని, వివిధ జిల్లా స్థాయి టోర్నీల్లో విజేతగా నిలిచాడు.
ప్రేమ: ఇతను ఫరీదాబాద్, తికావన్ నగరానికి చెందిన ఒక బాలికను ప్రేమిస్తున్నాడని సమాచారం. ఈ విషయం తెలిసిన బాలిక తల్లిదండ్రులు వారిద్దరినీ మందలించారు. ప్రేమలో పట్టుదలగా ఉన్న మోను, ఒకానొక దశలో ఆ బాలికతో కలిసి ఇంటి నుంచి పారిపోయాడు.
బాలికను రక్షించిన పోలీసులు: ఈ వ్యవహారంపై ఏప్రిల్ నెలలో బాలిక తండ్రి కులభూషణ్ పోలీసులకు ఫిర్యాదు చేయగా, అధికారులు బాలికను రక్షించి కుటుంబానికి అప్పగించారు. అయితే, ఆ సమయంలో ప్రేమికుడు మోను పరారీలో ఉన్నాడు. ఆ తర్వాత అతను ఇంటికి తిరిగొచ్చాడని చెబుతున్నారు.
దారుణ హత్య: కొన్ని రోజుల క్రితం ఇంట్లోంచి బయటకు వెళ్లిన మోను అదృశ్యమయ్యాడు. మరుసటి రోజు అతను ఆ బాలిక ఇంటి ముందు తీవ్ర గాయాలతో పడి ఉన్నాడు. సమాచారం అందుకున్న పోలీసులు మృతదేహాన్ని స్వాధీనం చేసుకుని పోస్టుమార్టం కోసం తరలించారు.
చిత్రహింసలు పెట్టి చంపారా? మోను కుటుంబ సభ్యులు మాట్లాడుతూ, బాలిక కుటుంబ సభ్యులు తమ కుమారుడిని అపహరించి, చిత్రహింసలకు గురిచేసి చంపేశారని ఆరోపిస్తున్నారు. దీనిపై పోలీసులు విచారణ జరుపుతున్నారు.