సోషల్ మీడియాలో వైరల్ అవుతున్న ఒక వీడియోలో, పెళ్లి వేదికపై వరుడికి ఇచ్చిన కట్నాన్ని అందరి ముందు అనౌన్స్ చేస్తున్నారు. ఈ పెళ్లి ఖురేషీ సామాజిక వర్గానికి చెందినదని సమాచారం.
ఏమేం ఇచ్చారు?
వైరల్ వీడియోలో ఒక వ్యక్తి మైకు పట్టుకుని కట్నకానుకల జాబితాను చదువుతున్నాడు:
- బంగారం: మొత్తం 12 రకాల బంగారు ఆభరణాలు.
- వాహనాలు: పూలతో అలంకరించిన ఒక సరికొత్త ఫార్చ్యూనర్ (Fortuner) మరియు థార్ (Thar) కారు.
- నగదు: వీటన్నిటితో పాటు 1 కోటి 5 లక్షల రూపాయల నగదును కూడా కట్నంగా ఇచ్చినట్లు ప్రకటించారు. ఈ ప్రకటన వినగానే అక్కడున్న అతిథులంతా నోరెళ్లబెట్టారు. కొందరు దీనిని మొబైల్ ఫోన్లలో రికార్డ్ చేయడం కూడా వీడియోలో కనిపిస్తుంది.
నెటిజన్ల ఆగ్రహం:
ఈ వీడియో bigbrand_qureshi_770 అనే ఇన్‌స్టాగ్రామ్ ఖాతాలో షేర్ చేయబడింది. దీనిపై నెటిజన్లు రకరకాలుగా స్పందిస్తున్నారు:
- “కట్నం తీసుకోవడం, ఇవ్వడం రెండూ నేరమే” అని ఒక యూజర్ కామెంట్ చేశారు.
- “అసలు వరుడు ఎంత సంపాదిస్తాడో కూడా చూసుకోండి భయ్యా” అని మరొకరు ఎగతాళి చేశారు.
- “కట్నం అనేది ఒక సామాజిక రుగ్మత, ఇలా స్టేజ్ మీద ప్రదర్శించి దానిని ఎందుకు ప్రోత్సహిస్తున్నారు?” అని చాలా మంది విమర్శిస్తున్నారు.