పుదుక్కోట్టై (Pudukkottai) జిల్లాలో గత ఆగస్టు 16వ తేదీన సూర్యప్రకాష్ అనే వ్యక్తి తన ఇంట్లో ఉరివేసుకుని ఆత్మహత్య చేసుకున్నాడంటూ అతని భార్య శరణ్య పోలీస్ స్టేషన్‌లో సమాచారం అందించింది.
కుటుంబ కలహాల కారణంగానే అతను ఈ అఘాయిత్యానికి పాల్పడ్డాడని ఆమె చెప్పడంతో, పోలీసులు అనుమానాస్పద మృతిగా కేసు నమోదు చేసి దర్యాప్తు ప్రారంభించారు.
అయితే, మరణించిన సూర్యప్రకాష్ పోస్టుమార్టం నివేదిక (Post-Mortem Report) బయటకు రావడంతో ఈ కేసులో ఊహించని మలుపు చోటుచేసుకుంది. సూర్యప్రకాష్ శరీరంపై తీవ్రమైన గాయాలు ఉన్నాయని, అతని ఎముకలు కూడా విరిగిపోయాయని ఆ నివేదికలో నిర్ధారణ అయింది. ఇది ఆత్మహత్య కాదని, పక్కా ప్రణాళికతో చేసిన హత్య అని వైద్యుల నివేదిక స్పష్టం చేసింది.
దీంతో బలమైన అనుమానంతో సూర్యప్రకాష్ భార్య శరణ్యను అదుపులోకి తీసుకున్న పోలీసులు తమదైన శైలిలో విచారించారు. పోలీసుల విచారణలో.. కుటుంబ గొడవల కారణంగా తన భర్తను తానే హత్య చేసి, దాన్ని ఆత్మహత్యగా చిత్రీకరిస్తూ నాటకమాడినట్లు శరణ్య నేరం అంగీకరించింది. నిజం ఒప్పుకున్న శరణ్యను పోలీసులు వెంటనే అరెస్టు చేసి జైలుకు తరలించారు.
Leave a Reply