భారత సముద్ర సరిహద్దుల్లోకి అక్రమంగా ప్రవేశించిన ఒక పాకిస్తానీ పడవను భారత కోస్ట్ గార్డ్ అధికారులు స్వాధీనం చేసుకున్నారు. ఆ పడవలో ఉన్న 9 మంది సిబ్బందిని కూడా అదుపులోకి తీసుకున్నారు. ఈ పడవను ప్రస్తుతం గుజరాత్‌లోని పోర్‌బందర్‌కు తీసుకువస్తున్నట్లు అధికారులు వెల్లడించారు.
ఘటన వివరాలు: గుజరాత్ రక్షణ ప్రతినిధి వింగ్ కమాండర్ అభిషేక్ కుమార్ తివారీ తెలిపిన వివరాల ప్రకారం.. జనవరి 14, 2026 రాత్రి అరబ్ సాగర్‌లో గస్తీ నిర్వహిస్తున్న భారత కోస్ట్ గార్డ్ నౌక, అంతర్జాతీయ సముద్ర సరిహద్దు రేఖ (IMBL) సమీపంలో ఒక పాకిస్తానీ చేపల వేట పడవను గుర్తించింది.
కోస్ట్ గార్డ్ అధికారులు హెచ్చరించిన వెంటనే, ఆ పడవ పాకిస్తాన్ వైపు పారిపోవడానికి ప్రయత్నించింది. అయితే, మన కోస్ట్ గార్డ్ నౌక అత్యంత వేగంగా స్పందించి, ఆ పడవను భారత జలభాగంలోనే అడ్డుకుంది. ఆ పడవ పేరు ‘అల్-మదీనా’ అని, అందులో 9 మంది పాకిస్తానీ సిబ్బంది ఉన్నారని ప్రాథమిక విచారణలో తేలింది.