“భార్య ఇంటిపై శక్తివంతమైన బాంబు దాడి.” కుమార్తెతో సహా తండ్రి విలవిలలాడుతూ మృతి. పగ తీర్చుకోవడానికి ఇలా చేస్తారా.? కర్ణాటకను కుదిపేసిన సంచలన ఘటన.!!

కర్ణాటక రాష్ట్రం కలబురగి జిల్లా ఆలంద్ తాలూకా పరిధిలోని మడకి తాండా ప్రాంతంలో, 45 ఏళ్ల శివాల్ బాలిరామ్ రాథోడ్ అనే వ్యక్తి తన భార్య కుటుంబ సభ్యులు నివసిస్తున్న ఇంటి లోపలికి శక్తివంతమైన పేలుడు పదార్థాన్ని సంచిలో తీసుకువచ్చి మంగళవారం ఉదయం పేల్చివేశాడు.

భార్యాభర్తల మధ్య చాలా కాలంగా నడుస్తున్న కుటుంబ కలహాల కారణంగా, భార్య తన పిల్లలతో కలిసి విడిగా నివసిస్తున్న సమయంలో ఈ ఘటన చోటుచేసుకుంది. ఈ దారుణ బాంబు పేలుడులో శివాల్ బాలిరామ్ మరియు అతని 15 ఏళ్ల కుమార్తె వీర సంఘటనా స్థలంలోనే శరీరాలు ఛిద్రమై దారుణంగా ప్రాణాలు కోల్పోయారు.

అంతేకాకుండా, ఈ భయంకరమైన పేలుడు ప్రమాదంలో శివాల్ భార్య సవిత (40), కుమారుడు విదేష్ (19), బంధువు సురేఖ (30) మరియు ఆమె 12 ఏళ్ల కుమారుడు వివేక్ తీవ్రంగా గాయపడి ప్రాణాలతో పోరాడుతున్నారు. వీరంతా చికిత్స నిమిత్తం తక్షణమే ఆసుపత్రిలో చేర్పించబడ్డారు. గని (మైనింగ్) లో పనిచేస్తున్న శివాల్, అక్కడి నుండి పేలుడు పదార్థాలను అక్రమంగా తీసుకువచ్చి ఈ ఘోరానికి పాల్పడినట్లు పోలీసుల ప్రాథమిక విచారణలో తేలింది. ఈ ఘటనపై పోలీసులు కేసు నమోదు చేసి తీవ్రంగా విచారిస్తున్నారు.