“భార్య పనిచేసే చోటికే వచ్చిన భర్త… ఇంతటి కిరాతక దాడికి పాల్పడతాడా…?” కత్తితో దాడి చేసి, యాసిడ్ వంటి ద్రవాన్ని చల్లినట్లు షాకింగ్ ఫిర్యాదు… తీవ్రంగా గాయపడిన నర్సు పరిస్థితి విషమం…!!!

బెంగళూరులో పనిచేస్తున్న 26 ఏళ్ల నర్సుపై, ఆమెకు దూరంగా ఉంటున్న భర్త వేటకత్తితో దాడి చేసి, యాసిడ్ వంటి ఫ్లోర్ క్లీనర్ ద్రవాన్ని చల్లినట్లు ఒక షాకింగ్ ఘటన వెలుగులోకి వచ్చింది.

గురువారం ఉదయం సుమారు 9.15 గంటల సమయంలో క్లినిక్ సమీపంలో ఈ సంఘటన జరిగినట్లు పోలీసులు తెలిపారు. టిఫిన్ చేయడం కోసం క్లినిక్ నుంచి బయటకు వచ్చిన సమయంలో ఆ మహిళను భర్త వెంబడించినట్లు తెలుస్తోంది.

క్లినిక్ పార్కింగ్ సమీపానికి వెళ్లినప్పుడు ఆమెపై కత్తితో దాడి చేయడమే కాకుండా, ఫ్లోర్ క్లీనింగ్‌కు ఉపయోగించే యాసిడ్ లాంటి ద్రవాన్ని కూడా చల్లినట్లు పోలీసుల విచారణలో తేలింది. ఆ సమయంలో సమీపంలో ఉన్న ట్రాఫిక్ పోలీసు సబ్ ఇన్స్పెక్టర్ వెంటనే జోక్యం చేసుకుని, గాయపడిన మహిళను వెంటనే ఆసుపత్రికి తరలించడంలో సహాయపడ్డారు. తీవ్రంగా గాయపడిన ఆమె ప్రస్తుతం విషమ పరిస్థితుల్లో చికిత్స పొందుతున్నట్లు సమాచారం.

ఈ దాడికి పాల్పడినట్లు చెబుతున్న వెంకటేష్ తమిళనాడుకు చెందినవాడని, మధురై నుంచి ఘటన జరిగిన రోజు ఉదయమే బెంగళూరుకు వచ్చినట్లు పోలీసులు తెలిపారు. ఒక ఆయిల్ కంపెనీలో పనిచేస్తున్న అతడిని సంఘటన జరిగిన వెంటనే అరెస్ట్ చేశారు. గత 2023లో వీరికి వివాహం జరగగా, కుటుంబ తగాదాల కారణంగా గత ఏడాది కాలంగా విడివిడిగా నివసిస్తున్నట్లు తెలుస్తోంది.

“భార్య తన మాట వినడం లేదు” అని వెంకటేష్ చెప్పినట్లు పోలీసులు తెలిపారు. కుటుంబం మరియు వైవాహిక జీవితానికి సంబంధించిన విభేదాలే ఈ దాడికి కారణం కావచ్చు అనే కోణంలో విచారణ జరుగుతోంది. అయితే దాడికి గల సరిగ్గా కారణం ఏమిటనేది ఇంకా అధికారికంగా నిర్ధారణ కాలేదు. ఈ ఘటనపై పోలీసులు విచారణ కొనసాగిస్తున్నారు.