ప్రపంచం ఇకపై కేవలం ‘నీటి కొరత’ అనే దశను దాటి, కోలుకోలేని ‘నీటి దివాలా’ (Water Bankruptcy) అనే ప్రమాదకర స్థితికి చేరుకుందని ఐక్యరాజ్యసమితి శాస్త్రవేత్తలు హెచ్చరిస్తున్నారు.
ఏమిటీ ‘నీటి దివాలా’?
ప్రకృతి తనను తాను పునరుద్ధరించుకునే వేగం కంటే, మానవులు అధిక మొత్తంలో నీటిని వాడుతుండటంతో భూగర్భ జలాలు మరియు మంచి నీటి వనరులు శాశ్వతంగా అంతరించిపోతున్నాయి.
- ఆర్థిక పతనం వంటిదే: ఆర్థిక వ్యవస్థ పతనమైతే ఎలాగైతే దివాలా తీస్తామో, అలాగే ప్రకృతి సమతుల్యత పూర్తిగా దెబ్బతినడాన్ని ‘నీటి దివాలా’గా అభివర్ణిస్తున్నారు.
- ప్రమాదంలో నగరాలు: భూగర్భ జలాలను విపరీతంగా తోడటంతో బెంగళూరు, చెన్నై, ఢిల్లీ వంటి ప్రపంచంలోని ప్రధాన నగరాలు తీవ్ర ప్రమాదంలో ఉన్నాయి.
భూమి కుంగిపోయే ప్రమాదం:
భూగర్భంలోని నీటి పొరలు ఖాళీ అవ్వడం వల్ల భూమి లోపలికి కుంగిపోయే (Land Subsidence) ముప్పు పొంచి ఉంది. ఇది భవనాల పటిష్టతను దెబ్బతీయడమే కాకుండా, భవిష్యత్తులో తాగునీటి సరఫరాను పూర్తిగా నిలిపివేసే పరిస్థితికి దారితీస్తుంది.