ఛత్తీస్గఢ్: బలోద్ జిల్లాలోని నెవారీకళ గ్రామంలో ఒక భయంకరమైన హత్యోదంతం వెలుగుచూసింది. మొదటి భార్య తన సవతిని అత్యంత పాశవికంగా హత్య చేసింది.
నేపథ్యం: నేవారీకళ గ్రామానికి చెందిన 40 ఏళ్ల చిమ్మెన్లాల్ సాహు, 2019లో దయాబాయి సోంకర్ (47)ను రెండో వివాహం చేసుకున్నాడు. మొదటి భార్య అమృతబాయికి ఇది ఏమాత్రం ఇష్టం లేదు. పైగా, దయాబాయి నిత్యం మొదటి భార్యను వేధించేది. ఈ ద్వేషంతో అమృతబాయి గత ఆరు నెలలుగా తన సవతిని అంతమొందించాలని పథకం వేసింది.
హత్య ఎలా జరిగిందంటే: జూన్ 29న భర్త చిమ్మెన్లాల్ మద్యం మత్తులో నిద్రిస్తుండగా, రెండో భార్య దయాబాయిని అమృతబాయి గమనించింది. అదను చూసి మంచం కోడుతో దయాబాయిపై దాడి చేసి తీవ్రంగా గాయపరిచింది. అనంతరం చెరకు కోసే రంపంతో ఆమె గొంతును నాలుగుసార్లు కోసి దారుణంగా హత్య చేసింది.
సాక్ష్యాలను చెరిపేసేందుకు..: హత్య చేసిన తర్వాత, అమృతబాయి రక్తంతో తడిసిన చీరను మార్చుకోవడానికి పొలానికి పారిపోయింది. అటుగా వచ్చిన భర్త రెండో గదిలో దయాబాయి మృతదేహాన్ని చూసి షాక్కు గురయ్యాడు. గ్రామంలో కలకలం రేగింది. అమృతబాయి తన మొబైల్ ఫోన్ను స్విచ్ ఆఫ్ చేసి తిరిగి ఇంటికి చేరుకుంది.
పోలీసుల విచారణ: పోలీసులు మరియు ఫోరెన్సిక్ బృందం రంగంలోకి దిగి విచారణ చేపట్టారు. అమృతబాయి మంచం కింద దాచిన సాక్ష్యాలను సేకరించారు. పోలీసుల ఒత్తిడి పెరగడంతో అమృతబాయి స్వయంగా పోలీస్ స్టేషన్కు వెళ్లి తన నేరాన్ని అంగీకరిస్తూ లొంగిపోయింది. భారతీయ న్యాయ సంహిత (BNS) సెక్షన్ 103(1) కింద ఆమెపై హత్య కేసు నమోదు చేసి రిమాండ్కు తరలించారు.