మధ్యప్రదేశ్ రాష్ట్రంలోని రాయ్‌సేన్ జిల్లాలో 6 ఏళ్ల బాలికపై అత్యాచారం చేసిన నిందితుడు సల్మాన్‌ను పోలీసులు షార్ట్ ఎన్‌కౌంటర్ చేశారు. నిందితుడిని గాంధీనగర్ నుంచి తీసుకువెళ్తుండగా, అతను పారిపోవడానికి ప్రయత్నించి, పోలీసులపై కాల్పులు జరిపాడు. దీంతో పోలీసులు అతని కాలిపై కాల్పులు జరపారు.
నిందితుడు సల్మాన్‌ను స్థానికులు పట్టుకుని పోలీసులకు అప్పగించారు. ప్రస్తుతం అతనికి భోపాల్‌లో చికిత్స అందిస్తున్నారు.
అత్యాచారం సంఘటన తర్వాత రాష్ట్రవ్యాప్తంగా తీవ్ర నిరసనలు వ్యక్తమయ్యాయి. రాయ్‌సేన్‌లో పలు జిల్లాల పోలీసు బలగాలను మోహరించారు. నిరసన ప్రదర్శనల సమయంలో రాళ్ల దాడి కూడా జరిగింది. నిరసనలు పెరుగుతున్న నేపథ్యంలో ముఖ్యమంత్రి కఠిన చర్యలు తీసుకోవాలని ఆదేశించారు.
భోజ్‌పూర్ సమీపంలో ఎన్‌కౌంటర్
నిందితుడిని భోజ్‌పూర్ సమీపంలోని కీరతనగర్ వద్ద షార్ట్ ఎన్‌కౌంటర్ చేశారు. ఈ సమయంలో కీరతనగర్ వద్ద పోలీసు వాహనం టైరు పంక్చర్ అయింది. అదే అదునుగా నిందితుడు పారిపోవడానికి ప్రయత్నించాడు. నిందితుడు సల్మాన్ పోలీసుల గన్ తీసుకుని వారిపైనే కాల్పులు జరిపాడు. దీంతో పోలీసులు ఆత్మరక్షణ కోసం నిందితుడి కాలిపై కాల్పులు జరిపారు. ప్రస్తుతం నిందితుడికి భోపాల్‌లోని ప్రభుత్వ ఆసుపత్రిలో చికిత్స జరుగుతోంది. నిందితుడు సల్మాన్‌ను పట్టుకుని పోలీసులకు అప్పగించింది స్థానికులే.
అసలు ఏం జరిగింది?
నవంబర్ 21న, 6 ఏళ్ల బాలిక ఇంటి బయట ఆడుకుంటుండగా, నిందితుడు సల్మాన్ చాక్లెట్ ఇస్తానని చెప్పి ఆమెను తన దగ్గరికి పిలిచాడు. ఆ తరువాత, అతను ఆ బాలికను అడవి వైపు తీసుకువెళ్లాడు. అక్కడ ఆ చిన్నారిపై లైంగిక దాడికి పాల్పడి పారిపోయాడు. స్థానికులు ఏడుస్తున్న బాలికను అడవిలో గుర్తించి, వెంటనే భోపాల్ ఆసుపత్రిలో చేర్చారు. పోలీసులు నిందితుడు సల్మాన్‌ను పట్టుకోవడానికి ₹30 వేల బహుమతిని కూడా ప్రకటించారు.
ఎస్పీపై చర్యలు
రాయ్‌సేన్‌లో జరిగిన ఈ ఘటన తరువాత రాష్ట్రవ్యాప్తంగా నిరసనలు వెల్లువెత్తాయి. పలు చోట్ల నిందితుడి దిష్టిబొమ్మలను కూడా దహనం చేశారు. రాయ్‌సేన్‌లో ఈ ఘటనపై పెద్ద ఎత్తున గొడవ జరిగింది. నిందితుడి అరెస్టు కోసం జరిగిన ధర్నా ప్రదర్శనలపై ప్రభుత్వం కఠినంగా స్పందించింది. ముఖ్యమంత్రి మోహన్ యాదవ్ రాత్రి 8:15 గంటలకు సమావేశం నిర్వహించి, రాయ్‌సేన్ ఎస్పీ పంకజ్ పాండేను తొలగించి, ప్రధాన కార్యాలయానికి అటాచ్ చేయాలని ఆదేశించారు. ఆయన స్థానంలో ఆశుతోష్‌ను రాయ్‌సేన్ కొత్త ఎస్పీగా నియమించారు.