తరగతి గదిలో పాఠం చదువుకోమని చెప్పిన టీచర్కు, ఒక చిన్నారి తన ముద్దుముద్దు మాటలతో ఇచ్చిన వార్నింగ్ వీడియో ప్రస్తుతం సోషల్ మీడియాలో దావాగ్నంలా వ్యాపిస్తోంది.
వైరల్ అవుతున్న ఆ వీడియోలో, ఒక టీచర్ బాబు దగ్గరకు వెళ్లి, “తమ్ముడూ, పద్ధతిగా చదువుకో… పుస్తకం తీసి చదువు” అని ప్రేమగా చెబుతారు. అది విన్న వెంటనే ఆ చిన్నారి ఏడవడం మొదలుపెడతాడు. ఏడుస్తూనే అకస్మాత్తుగా టీచర్ వైపు చూసి, “పోండి… ఎక్కువగా మాట్లాడకండి… లేకపోతే మీ స్కూల్నే పడగొట్టి నేలమట్టం చేసేస్తా” అంటూ బెదిరింపులకు దిగాడు.
చిన్నారి ఇచ్చిన ఈ వార్నింగ్కు టీచర్ ఒక్క క్షణం అవాక్కయ్యారు. తర్వాత ఆ బాబు అమాయకత్వాన్ని చూసి టీచర్ మరియు పక్కనే ఉన్న విద్యార్థులు నవ్వడం మొదలుపెట్టారు. ఎక్స్ (X) వేదికగా షేర్ చేయబడిన ఈ వీడియో, లక్షలాది వ్యూస్తో దూసుకుపోతోంది.
ఈ వీడియోను చూసిన నెటిజన్లు రకరకాలుగా స్పందిస్తున్నారు. “ఈ పిల్లాడు భవిష్యత్తులో పెద్ద డాన్ అయ్యేలా ఉన్నాడు!”, “ఇలాంటి అమాయకపు గొడవలను రోజూ చూడొచ్చు” అంటూ సరదాగా కామెంట్లు పెడుతున్నారు. ఆ బుడతడి ‘క్యూట్ రౌడిజం’ ప్రస్తుతం నెటిజన్ల మనసు గెలుచుకుంటోంది.