పూణే: పూణే వ్యాపారవేత్త కేతన్ అగర్వాల్ హత్య కేసు రోజురోజుకీ కొత్త మలుపులు తిరుగుతోంది. దర్యాప్తు కొనసాగుతుండగా, ఈ కేసులో నిందితురాలైన సియా గోయల్ ఒక పాత వీడియో ఇప్పుడు సోషల్ మీడియాలో కలకలం రేపుతోంది. 2025 డిసెంబరు నాటిదిగా చెబుతున్న ఈ వీడియోలో, సియా ఒక పబ్లో చేతిలో బీర్ సీసాతో ఫోన్లో ఎవరితోనో గొడవ పడుతూ కనిపిస్తోంది.
వీడియోలో ఏముంది? ఆ వీడియోలో పబ్లో పెద్దగా వస్తున్న సంగీతం మధ్య, సియా ఫోన్లో గట్టిగా మాట్లాడుతోంది. “ముందు నువ్వు నన్ను మోసం చేస్తావు (చీట్ చేస్తావు), ఆ తర్వాత మళ్ళీ కాల్ చేస్తావా?” అని ఆమె కోపంగా అంటోంది. ఆ మాటలతో పాటు ఆమె అసభ్య పదజాలం కూడా వాడుతోంది. అయితే, ఆమె ఎవరితో మాట్లాడుతోంది, ఎవరిని ఉద్దేశించి అలా అంటోంది అనేది ఇంకా స్పష్టత లేదు. ఈ వీడియోపై పోలీసులు ఇప్పటివరకు ఎటువంటి అధికారిక వ్యాఖ్య చేయలేదు.
కేసు నేపథ్యం: కేతన్ అగర్వాల్ హత్య కేసులో సియా గోయల్ మరియు చేతన్ చౌదరి ప్రధాన నిందితులు. వీరిద్దరి మధ్య ఉన్న అక్రమ సంబంధమే ఈ హత్యకు దారితీసిందని పోలీసులు అనుమానిస్తున్నారు. లోహగఢ్ కోట పర్యటనలో భాగంగా కేతన్ను కిందకు తోసి హత్య చేశారని ప్రాథమిక దర్యాప్తులో తేలింది. వీరిద్దరి మధ్య సంబంధం గురించి ముందే తెలిసుంటే, సియాకు కేతన్తో వివాహం జరిపించే నిర్ణయాన్ని పునరాలోచించేవాడినని సియా తండ్రి ప్రవీణ్ గోయల్ పేర్కొన్నారు.