ఉత్తరప్రదేశ్లో మద్యం వ్యసనానికి బానిసైన భర్త, తనను నిరంతరం హింసిస్తుండటంతో విసిగిపోయిన భార్య అతడిని కిరాతకంగా హత్య చేసింది. ఆపై ఇంటి బాత్రూమ్లోనే రెండు అడుగుల లోతులో పూడ్చిపెట్టి, పైన టైల్స్ వేసి ఆనవాళ్లు లేకుండా చేసిన టైలరింగ్ పనిచేసే రూబి అనే మహిళను పోలీసులు అరెస్టు చేశారు. ఈ ఘటన దేశవ్యాప్తంగా సంచలనం సృష్టించింది.
తాను కంప్యూటర్ ఉద్యోగం చేస్తున్నానని అబద్ధం చెప్పి సురేంద్రన్ ఆమెను పెళ్లి చేసుకున్నాడు. ఆ తర్వాత పనికి వెళ్లకుండా తన తండ్రికి వచ్చే పెన్షన్ డబ్బులను కూడా తాగుడుకే ఖర్చు చేసేవాడు. దీనివల్ల తన ఇద్దరు ఆడపిల్లలను పోషించుకోవడానికి రూబి పగలు, రాత్రి కష్టపడి టైలరింగ్ పనిచేసేది. ఈ క్రమంలో, గత మే నెలలో పక్క ఊరికి వెళ్లిన సురేంద్రన్, అక్కడ బంధువులతో గొడవపడి దెబ్బలు తిని తిరిగి వచ్చాడు.
ఆ కోపంతో ఇంట్లో ఉన్న రూబిని మృగంలా కొట్టడంతో, సహనం కోల్పోయిన రూబి తన ఇద్దరు కుమార్తెలను మేనమామ ఇంటికి పంపించివేసింది. ఆ తర్వాత సురేంద్రన్ తిన్న ఆహారంలో నిద్రమాత్రలు కలిపి, అతను స్పృహ తప్పాక కిరాతకంగా చంపేసింది. ఆపై మృతదేహాన్ని బాత్రూమ్లో పూడ్చిపెట్టి, మరుసటి రోజే మేస్త్రీని పిలిపించి అక్కడ సిమెంట్ వేసి, టైల్స్ అంటించి ఎవరికీ అనుమానం రాకుండా జాగ్రత్త పడింది.
ప్రస్తుతం పోలీసుల అదుపులో ఉన్న రూబి, “రాత్రి వేళల్లో బాత్రూమ్ నేలను పగలగొట్టుకుని నా భర్త నన్ను చంపడానికి వస్తున్నట్లు భయమేస్తోంది” అని పోలీసుల వద్ద షాకింగ్ వాంగ్మూలం ఇచ్చింది.