భారతదేశంలో ప్రభుత్వ సేవలు పొందాలన్నా, బ్యాంకింగ్ పనులు కావాలన్నా ఆధార్ కార్డుతో మొబైల్ నంబర్ లింక్ అయి ఉండటం తప్పనిసరి. మీరు మీ పాత నంబర్‌ను మార్చుకోవాలనుకుంటే, ఆధార్ యాప్ ద్వారా సులభంగా చేయవచ్చు. దీనికి రూ. 75 సర్వీస్ ఛార్జ్ చెల్లించాల్సి ఉంటుంది. దరఖాస్తు చేసిన 30 రోజుల్లోపు మీ నంబర్ అప్‌డేట్ అవుతుంది.
ఆధార్‌తో మొబైల్ నంబర్ మార్చుకునే విధానం:
- యాప్ డౌన్‌లోడ్: గూగుల్ ప్లే స్టోర్ నుండి అధికారిక Aadhaar Appను డౌన్‌లోడ్ చేసుకోండి.
- లాగిన్: మీ 12 అంకెల ఆధార్ నంబర్‌ను నమోదు చేయండి. ఇక్కడ గమనించాల్సిన విషయం ఏంటంటే, ఇప్పటికే లింక్ అయి ఉన్న నంబర్‌ను మార్చడానికి మాత్రమే ఈ యాప్ ఉపయోగపడుతుంది. మీ ఆధార్‌కు ఏ నంబర్ లింక్ లేకపోతే మాత్రం బయోమెట్రిక్ వెరిఫికేషన్ కోసం ఆధార్ సెంటర్‌కు వెళ్లాల్సిందే.
- ఫేస్ అథెంటికేషన్ (Face Authentication): మీ ఫోన్ సెల్ఫీ కెమెరా ద్వారా మీ ముఖం మరియు కళ్లను స్కాన్ చేస్తుంది. ఇది మీరే ఈ యాప్‌ను ఉపయోగిస్తున్నారని నిర్ధారించుకోవడానికి చేసే వెరిఫికేషన్.
- పిన్ సెట్ చేయడం: మొదటిసారి యాప్ ఓపెన్ చేసినప్పుడు ఒక సెక్యూరిటీ పిన్ సెట్ చేసుకోండి. ఆ తర్వాత హోమ్ పేజీలో ‘My Aadhaar Update’ అనే ఆప్షన్ కనిపిస్తుంది.
- మొబైల్ నంబర్ అప్‌డేట్: అప్‌డేట్ ఆప్షన్లలో ‘Mobile Number Update’ను ఎంచుకోండి. అక్కడ మీ పాత మొబైల్ నంబర్ మరియు మీరు మార్చాలనుకుంటున్న కొత్త మొబైల్ నంబర్‌ను ఎంటర్ చేయాలి.
- వెరిఫికేషన్ & పేమెంట్: కొత్త నంబర్‌కు వచ్చే OTP ద్వారా వెరిఫికేషన్ పూర్తి చేయండి. ఆ తర్వాత రూ. 75 సర్వీస్ ఛార్జీని డెబిట్ కార్డ్, క్రెడిట్ కార్డ్ లేదా యూపీఐ (UPI) ద్వారా చెల్లించండి.
- అప్‌డేట్ స్టేటస్: నగదు చెల్లించిన తర్వాత 30 రోజుల్లోపు మీ నంబర్ అప్‌డేట్ అవుతుంది. అప్‌డేట్ పూర్తయ్యాక మీ కొత్త నంబర్‌కు మెసేజ్ వస్తుంది. ఆ తర్వాత మీరు డిజిటల్ ఆధార్‌ను డౌన్‌లోడ్ చేసుకోవచ్చు.