తమిళనాడులోని 28 నదీ ఇసుక క్వారీల ద్వారా సుమారు రూ.4,730 కోట్ల మేర భారీ ఎత్తున ఇసుక అక్రమ తవ్వకాలు, దోపిడీ జరిగాయంటూ సరైన ఆధారాలతో ఎన్‌ఫోర్స్‌మెంట్ డైరెక్టరేట్ (ED) 2024 జూన్‌లో తమిళనాడు డీజీపీకి లేఖ రాసింది.
ఈ నేపథ్యంలో, ఇన్ని సంవత్సరాలుగా ఈ అక్రమాలు ఎవరి ప్రత్యక్ష పర్యవేక్షణలో సాగాయి? దీని వెనుక ఉన్న ప్రభుత్వ అధికారులు, కాంట్రాక్టర్లు ఎవరు? అనే కోణంలో అవినీతి నిరోధక శాఖ (DVAC / విజిలెన్స్ విభాగం) ప్రస్తుతం తన ప్రాథమిక విచారణను వేగవంతం చేసింది.
ఈ ఇసుక దందా వ్యవహారంలో రాజకీయ, అధికార వర్గాలకు చెందిన పలువురు కీలక వ్యక్తులు భారీగా లబ్ధి పొందినట్లు ఆరోపణలు వస్తున్న తరుణంలో.. ఈడీ లేఖ రాసినప్పటికీ ఇంతకాలం కేసు నమోదు చేయకుండా ఎందుకు జాప్యం చేశారనే ప్రశ్నలు తలెత్తుతున్నాయి. ప్రభుత్వం దీనిపై తక్షణమే సరైన చర్యలు తీసుకోకపోవడంపై తీవ్ర విమర్శలు వ్యక్తమవుతున్నాయి.
ప్రస్తుతం అవినీతి నిరోధక శాఖ ప్రారంభించిన ప్రాథమిక దర్యాప్తు ద్వారా ఈ భారీ కుంభకోణం వెనుక ఉన్న అసలు నిజాలు త్వరలోనే వెలుగులోకి వస్తాయని భావిస్తున్నారు.
ఈ కుంభకోణానికి పాల్పడినవారు, అవినీతికి సహకరించినవారు ఎవరైనా సరే ఇకపై చట్టం నుంచి తప్పించుకోలేరని.. సమగ్ర విచారణ జరిపి బాధ్యులపై కఠిన చర్యలు తీసుకుంటారని భావిస్తున్నారు.
Leave a Reply