బెంగళూరు: బెంగళూరులోని ఒక ప్రైవేటు ప్లే స్కూల్లో టీచర్గా చేరిన తన బంధువుకు నెలకు కేవలం 6,000 రూపాయలు మాత్రమే జీతంగా ఇస్తున్నారని, ఒక యూజర్ ‘ఎక్స్’ (ట్విట్టర్) వేదికగా చేసిన పోస్ట్ ఇప్పుడు సోషల్ మీడియాలో తీవ్ర చర్చకు దారితీసింది.
భారతదేశంలోని అత్యంత ఖరీదైన నగరాల్లో ఒకటైన బెంగళూరులో, పాఠశాల ఫీజులు ఆకాశాన్ని తాకుతున్న తరుణంలో, టీచర్లకు మాత్రం ఇంత తక్కువ జీతం ఇవ్వడం ఏమాత్రం సమంజసమని ఆ పోస్ట్లో ప్రశ్నించారు. ఇంత తక్కువ ఆదాయంతో బెంగళూరు లాంటి నగరంలో జీవించడం ఎలా సాధ్యమని ఆవేదన వ్యక్తం చేశారు. ఈ వైరల్ పోస్ట్ ప్రైవేటు పాఠశాలల వేతన నిర్మాణాల (Salary structure)పై నెటిజన్ల మధ్య తీవ్ర వాగ్వాదానికి తెరలేపింది.
సమాజంలో అత్యంత కీలక పాత్ర పోషించే ఉపాధ్యాయులకు వారి అర్హతకు తగ్గట్టుగా సరైన వేతనం అందాలని, లక్షల్లో ఫీజులు వసూలు చేసే ప్రైవేటు పాఠశాలలు ఆ ఆదాయంలో కొంత భాగాన్ని టీచర్ల సంక్షేమం కోసం ఖర్చు చేయాలని చాలామంది అభిప్రాయపడుతున్నారు.
అదే సమయంలో, రోజువారీ కూలీలు కూడా దీనికంటే ఎక్కువ సంపాదిస్తున్నారని, బెంగళూరు వంటి నగరంలో ఇంత తక్కువ జీతం అనేది నమ్మశక్యంగా లేదని, ఈ సమాచారం తప్పు కావచ్చని కొందరు ఈ వాదనను ఖండించారు.