సొంత ఇల్లు అయినా, అద్దె ఇల్లు అయినా వాటర్ ట్యాంక్ శుభ్రం చేయడం అనేది ఒక పెద్ద సమస్య. దీని కోసం పనివారిని పిలిచి వేలల్లో ఖర్చు చేయాల్సిన అవసరం లేదు. ఎటువంటి శ్రమ లేకుండా, చేతులు కూడా నానబెట్టకుండా మీ వాటర్ ట్యాంక్ను శుభ్రం చేసే సులభమైన మార్గాలు ఇక్కడ ఉన్నాయి.
3 సులభమైన మార్గాలు:
- సైఫన్ పద్ధతి (Siphon Method): ఒక పొడవైన గార్డెన్ హోస్ పైపును తీసుకోండి. దాని ఒక చివరను ట్యాంక్ అడుగున ఉన్న మురికి దగ్గర ఉంచి, రెండో చివరను ట్యాంక్ కంటే తక్కువ ఎత్తులో (గ్రాౌండ్ లెవల్లో) ఉంచండి. పైపు ద్వారా నీటిని లాగితే, వాక్యూమ్ క్లీనర్ మాదిరిగా అడుగున ఉన్న మురికి మొత్తం బయటకు వచ్చేస్తుంది.
- చిన్న మోటార్లు: ఆన్లైన్లో తక్కువ ధరకే లభించే చిన్న ‘సబ్మెర్సిబుల్ పంప్’ లేదా హ్యాండ్ పంపులను వాడవచ్చు. ఇవి నీటిని వృథా చేయకుండా కేవలం అడుగున ఉన్న మురికిని మాత్రమే పీల్చుకుంటాయి. ట్యాంక్ లోపలికి దిగకుండానే పై నుండి కొన్ని నిమిషాల్లో శుభ్రం చేయవచ్చు.
- వినెగార్ & బేకింగ్ సోడా: ట్యాంక్ ఖాళీగా ఉన్నప్పుడు, గోడలకు పట్టిన నాచును తొలగించడానికి వినెగార్ మరియు బేకింగ్ సోడాలను కలిపి, పొడవైన బ్రష్తో శుభ్రం చేయండి. ఇది నాచును పూర్తిగా తొలగించి, తిరిగి రాకుండా చేస్తుంది.
ముఖ్య గమనిక: ట్యాంక్లో క్రిమిసంహారిణిగా బ్లీచింగ్ పౌడర్ వాడేటప్పుడు చాలా జాగ్రత్తగా ఉండాలి. 1000 లీటర్ల నీటికి ఒక టేబుల్ స్పూన్ (సుమారు 10 గ్రాములు) మాత్రమే వాడాలి. ఎక్కువైతే చర్మంపై దద్దుర్లు లేదా దురద వచ్చే అవకాశం ఉంది.