ప్రస్తుతం సోషల్ మీడియాలో వైరల్ అవుతున్న ఒక వీడియోలో, నామ్ తమిళర్ కట్చికి చెందిన ఒక మహిళా కార్యకర్త ద్రవిడ పార్టీలపై అత్యంత ఘాటుగా ఆరోపణలు చేశారు.
తాను గత ఏడేళ్లుగా నామ్ తమిళర్ కట్చిలో ఉన్నానని, అంతకుముందు డీఎంకే (DMK) మరియు ఏఐఏడీఎంకే (AIADMK) పార్టీలలో పనిచేశానని ఆమె పేర్కొన్నారు. ఆ అనుభవం ఆధారంగా.. “డీఎంకే, ఏఐఏడీఎంకే పార్టీల్లో ఉండేవారు మహిళల కళ్లలోకి చూసి మాట్లాడరు, వారి మర్మ అవయవాల వైపు చూస్తూ మాట్లాడతారు” అని ఎటువంటి సంకోచం లేకుండా బహిరంగంగా ఆరోపించారు.
ఆ రెండు పార్టీల్లో మహిళలకు గౌరవం లేదని ఆమె విమర్శించారు. కేవలం నామ్ తమిళర్ కట్చిలో మాత్రమే మహిళలకు నిజమైన రక్షణ లభిస్తుందని ఆమె ఉద్వేగంతో చెప్పారు. “ఇతర పార్టీల వారు మహిళలను అసభ్యంగా చూస్తూ మాట్లాడితే, నామ్ తమిళర్ పార్టీ తమ్ముళ్లు మాత్రం మహిళల కళ్లలోకి కూడా చూడకుండా, వారి పాదాల వైపు చూస్తూ మాట్లాడేంతటి క్రమశిక్షణ కలిగి ఉంటారు” అని ఆమె చేసిన వ్యాఖ్యలు ఇప్పుడు ఇంటర్నెట్‌లో పెద్ద చర్చకు దారితీశాయి.