వెన్నులో వణుకు పుట్టించే వీడియో..! “ఒక్క నిమిషంలో ముగిసిన జీవితం”.. రోడ్డు దాటుతుండగా యముడిలా దూసుకొచ్చిన లారీ. చక్రాల కింద నలిగి మహిళ మృతి.!!!

ముంబైలోని వడాలా ప్రాంతంలో ఉన్న గణేష్ నగర్ ప్రాంతంలో రోడ్డుపై నడుచుకుంటూ వెళ్తున్న ఒక మహిళను లారీ ఢీకొన్న ఘోర రోడ్డు ప్రమాదంలో ఆమె దుర్మరణం చెందారు.

ఈ ఘటన ఆ ప్రాంతంలో తీవ్ర కలకలాన్ని రేపింది.

ముంబై వడాలాలోని గణేష్ నగర్ ప్రాంతానికి చెందిన అమీనా అన్సారీ అనే మహిళ యథావిధిగా రోడ్డు దాటేందుకు ప్రయత్నించింది. ఆ సమయంలో అటుగా వచ్చిన ఒక సరుకు లారీ అనుకోకుండా ఆమెను ఢీకొట్టింది. ఈ ప్రమాదంలో తీవ్రంగా గాయపడిన ఆ మహిళ సంఘటనా స్థలంలోనే ప్రాణాలు కోల్పోయింది.

ఈ ప్రమాదానికి సంబంధించిన పూర్తి దృశ్యాలు సమీపంలోని సీసీటీవీ కెమెరాలో నిక్షిప్తమయ్యాయి. ఈ విషాదకర సంఘటన స్థానిక ప్రజలను తీవ్ర దిగ్భ్రాంతికి, వేదనకు గురిచేసింది.

ఈ ప్రమాదం గురించి సమాచారం అందుకున్న స్థానికులు మరియు బంధువులు సంఘటనా స్థలానికి చేరుకుని ఆగ్రహం వ్యక్తం చేశారు. ప్రమాదం జరిగిన ప్రాంతంలో సరైన భద్రతా చర్యలు చేపట్టాలని డిమాండ్ చేస్తూ వారు అకస్మాత్తుగా రోడ్డుపై బైఠాయించి ఆందోళనకు దిగారు. దీంతో ఆ ప్రాంతంలో కొంతసేపు తీవ్ర ట్రాఫిక్ జామ్ ఏర్పడింది. సమాచారం అందుకుని వెంటనే అక్కడికి చేరుకున్న పోలీసులు ఆందోళనకారులను సముదాయించి ట్రాఫిక్‌ను క్రమబద్ధీకరించారు.