రోడ్లపై మితిమీరిన వేగంతో వాహనాలు నడిపినప్పుడు జరిగే ప్రమాదాలు చాలా సందర్భాలలో ప్రాణాలు తీసే విషాదాలుగా ముగుస్తాయి.
అయితే, హాలీవుడ్ సినిమా స్టంట్ దృశ్యాలను తలపించేలా, ఓ భయానక ప్రమాదంలో చిక్కుకున్న వ్యక్తి అత్యంత విచిత్రమైన రీతిలో ప్రాణాలతో బయటపడిన వీడియో ఒకటి ప్రస్తుతం నెట్టింట వైరల్‌గా మారింది.
ఒక వ్యక్తి నడుపుతున్న బైక్ వేగంగా వచ్చి ఎదురుగా వెళ్తున్న వ్యాన్‌ను బలంగా ఢీకొట్టింది. అయితే అదృష్టవశాత్తూ ఆ వ్యక్తి గాల్లోకి ఎగిరి నేరుగా వ్యాన్‌ లోపలే పడటంతో స్వల్ప గాయాలతో ప్రాణాలతో బయటపడ్డాడు. ఢీకొన్న తీవ్రతకు బైక్ పూర్తిగా ధ్వంసమైంది. దీనికి సంబంధించిన వీడియో దృశ్యాలు ప్రస్తుతం సోషల్ మీడియాలో విపరీతంగా చక్కర్లు కొడుతున్నాయి.