ఒక యువతి తన ప్రియుడితో కలిసి పెళ్లి వేడుకకు వెళ్తున్న వీడియో ప్రస్తుతం సోషల్ మీడియాలో విపరీతంగా వైరల్ అవుతోంది. అయితే, ఇక్కడ అసలు ట్విస్ట్ ఏమిటంటే.. ఆ ప్రియుడు కొంచెం ‘టాక్సిక్’ (విషపూరితమైనవాడు). ఎందుకంటే ఆ యువతి ప్రియుడు మరెవరో కాదు, ఒక భారీ కొండచిలువ! ఈ AI వ్లాగ్ (AI Vlog) ఇప్పుడు నెటిజన్లను ఆశ్చర్యపరుస్తోంది. ఇది ఆర్టిఫిషియల్ ఇంటెలిజెన్స్ (AI) అభివృద్ధికి ఒక నిదర్శనం.
ప్రియుడికి దిద్దిన బొట్టు
వీడియో ప్రారంభంలో యువతి తన ప్రియుడితో (పాముతో) ఇంటి ముందు కూర్చుని మాట్లాడుతుంటుంది. “ఈరోజు చాలా ప్రత్యేకమైన రోజు. మనం ఒక పెళ్లికి వెళ్తున్నాం. అక్కడ అందరికీ ఇతడిని పరిచయం చేయాలి” అని చెబుతుంది. పెళ్లికి వెళ్లే ముందు తన ప్రియుడికి బొట్టు పెట్టి అందంగా ముస్తాబు చేస్తుంది.
కళ్యాణ మండపంలోకి తన మెడలో పామును వేసుకుని ఆ యువతి వస్తుంటే.. అందరూ ఆశ్చర్యంగా ఆమె వైపే చూస్తుంటారు. దీనిని ఆ యువతి ఒక ‘సెలబ్రిటీ ఎంట్రీ’గా అభివర్ణించింది.
విందు భోజనం – పప్పడాలు మాయం!
ఆ తర్వాత ఇద్దరూ కలిసి విందు భోజనానికి కూర్చుంటారు. “వీడికి భోజనం అంటే ప్రాణం. అక్కడ ఉన్న అన్నం పాత్రలన్నీ (చెంబులు) ఖాళీ చేసేవరకు వీడు వదలడు” అని ఆ యువతి నవ్వుతూ చెబుతుంది. భోజనం ముగించి ఆ యువతి చేయి కడుక్కుని వచ్చేసరికి ప్రియుడు కనిపించడు. పక్కనే కూర్చున్న వ్యక్తిని తన పాము ఎక్కడ అని అడగ్గా.. “నా పప్పడం కనిపించడం లేదు” అని ఆ వ్యక్తి బిత్తరచూపులు చూస్తూ సమాధానమిస్తాడు.
ఆ తర్వాత యువతి, పాము కలిసి కారులో ఇంటికి బయలుదేరుతారు. అప్పుడు తన ప్రియుడు ఎక్కడికి వెళ్ళాడో యువతి చెబుతుంది. “అన్నం సరిపోక మళ్ళీ అడగడానికి లోపలికి వెళ్ళాడు. వీడు కాసేపు కనిపించకపోయేసరికి నా ప్రాణం పోయినంత పనైంది” అని యువతి సరదాగా వాపోతుంది.
నెటిజన్ల కామెంట్స్
కేవలం రెండు రోజుల్లోనే ఈ వీడియోను 20 లక్షల మందికి పైగా వీక్షించారు. “అన్నం తింటున్న నా పామును చూశారా? అనే ప్రశ్న అదిరిపోయింది” అని కొందరు కామెంట్స్ చేస్తుంటే.. మరికొందరు మాత్రం “పెళ్లికి వెళ్లేటప్పుడు జుట్టు అలానే ముడివేస్తారా?” అంటూ సరదాగా ట్రోల్ చేస్తున్నారు.