కర్ణాటకలోని శివమొగ్గ జిల్లా సాగరా ప్రాంతంలో, ఎంతో ముచ్చటపడి షోరూమ్ నుండి కొత్తగా కొనుగోలు చేసిన కారును బయటకు తీసిన కొన్ని సెకన్ల వ్యవధిలోనే ఊహించని విధంగా ప్రమాదానికి గురైన ఘటన ఆ ప్రాంతంలో తీవ్ర కలకలం రేపింది.
కొత్త వాహనం కొన్న సంతోషంలో ఉన్న యజమానికి, ఆయన కుటుంబ సభ్యులకు ఈ ఘటన తీవ్ర దిగ్భ్రాంతిని, వేదనను మిగిల్చింది.
అదుపుతప్పిన కొత్త కారు:
షోరూమ్ ప్రాంగణం నుండి బయట రోడ్డుపైకి వచ్చిన ఆ కొత్త కారు, ఒక్కసారిగా అదుపుతప్పడి ఇష్టానుసారంగా దూసుకెళ్లింది. పక్కనే ఉన్న బారికేడ్లను బలంగా ఢీకొట్టి, రెప్పపాటు కాలంలో రోడ్డుపైకి దూసుకుపోయిన ఆ వాహనం ఎదురుగా వస్తున్న ద్విచక్ర వాహనాన్ని (బైక్) భీకరంగా ఢీకొంది.
ఈ ప్రమాదంలో బైక్‌పై వస్తున్నవారు గాల్లోకి ఎగిరిపడి తీవ్రంగా గాయపడ్డారు. వెంటనే అప్రమత్తమైన స్థానికులు వారిని రక్షించి ఆసుపత్రికి తరలించారు. ఈ ఘటనపై సమాచారం అందుకున్న పోలీసులు కేసు నమోదు చేసి, ప్రమాదానికి అసలు కారణమేమిటో తీవ్రంగా దర్యాప్తు చేస్తున్నారు.
Leave a Reply