ఆదివారం చేసుకునే ఘుమఘుమలాడే నాన్-వెజ్ వంటకాలు, ఘాటైన బిర్యానీ లేదా పలావ్లోకి నంజుకోవడానికి అదిరిపోయే కేరళ స్టైల్ దోసకాయ/కీరా పెరుగపచ్చడిని (Cucumber Raita) ఇంట్లోనే చాలా సులభంగా తయారు చేసుకోవచ్చు.
ముఖ్యంగా బ్యాచిలర్స్ మరియు ఆఫీసులకు వెళ్లేవారు అతి తక్కువ సమయంలో చేసుకోగలిగే హెల్తీ అండ్ టేస్టీ రెసిపీ ఇది.
తయారీ విధానం:
- ముందుగా కీరా లేదా దోసకాయ చెక్కు తీసి, లోపలి గింజలు తొలగించి చిన్న ముక్కలుగా కట్ చేసుకోవాలి. ఆ ముక్కలను ఒక గిన్నెలో వేసి అవి మునిగేంత నీళ్లు పోసి మెత్తగా ఉడికించాలి.
- మసాలా పేస్ట్ కోసం తురిమిన పచ్చి కొబ్బరి, అల్లం ముక్క, కారానికి సరిపడా పచ్చిమిర్చి, జీలకర్ర వేసి కొద్దిగా నీళ్లు పోసి మిక్సీలో మెత్తటి పేస్ట్లా రుబ్బుకోవాలి.
- ఉడుకుతున్న దోసకాయ ముక్కల్లో ఈ కొబ్బరి పేస్ట్ మరియు సరిపడా ఉప్పు వేసి కాసేపు బాగా మరిగించి, స్టవ్ ఆపి మిశ్రమాన్ని పూర్తిగా చల్లారనివ్వాలి.
- మిశ్రమం పూర్తిగా చల్లారిన తర్వాతే అందులో చిక్కటి గడ్డ పెరుగును వేసి బాగా కలుపుకోవాలి. (వేడిగా ఉన్నప్పుడు పెరుగు వేస్తే విరిగిపోతుంది).
- చివరగా ఒక చిన్న కడాయిలో కొబ్బరి నూనె వేసి వేడయ్యాక ఆవాలు, మినప్పప్పు, ఎండుమిర్చి, కరివేపాకు వేసి పోపు పెట్టి పచ్చడిలో కలుపుకుంటే చాలు… నోరూరించే కమ్మనైన కేరళ స్టైల్ దోసకాయ పెరుగపచ్చడి రెడీ!
Leave a Reply