లక్నోలోని ఒక ప్రైవేట్ ఆసుపత్రిలో చికిత్స పొందుతున్న 20 ఏళ్ల యువతిని, మత్తుమందు ఇచ్చి పశువులా అత్యాచారం చేసిన ఒక డాక్టర్ ఉదంతం దేశవ్యాప్తంగా సంచలనం సృష్టించింది. ఈ ఘటన తర్వాత సంబంధిత ఆసుపత్రిని అధికారులు సీజ్ చేశారు.
ఏం జరిగింది? ఫిట్స్స మస్యతో బాధపడుతున్న 20 ఏళ్ల యువతిని మే 19న ఆసుపత్రిలో చేర్పించారు. మే 21న ఆమెకు శ్వాస తీసుకోవడంలో ఇబ్బంది కలగడంతో, డాక్టర్ విజయ్ కుమార్ గిరి ఆమెను అత్యవసర చికిత్స పేరుతో ఆపరేషన్ థియేటర్కు తీసుకెళ్లారు. అక్కడ ఉన్న యువతి సోదరిని, నర్సును బయటకు పంపేసిన డాక్టర్, ఆ యువతికి ఎక్కిస్తున్న సెలైన్ ద్వారా మత్తుమందు ఇచ్చి, స్పృహ కోల్పోయేలా చేశాడు. ఆ అపస్మారక స్థితిని ఆసరాగా చేసుకుని అతను ఆ యువతిపై అత్యంత దారుణంగా అత్యాచారం చేశాడు.
పోలీసుల చర్య: స్పృహలోకి వచ్చిన తర్వాత యువతి తనతో జరిగిన దారుణాన్ని కన్నీటి పర్యంతమవుతూ తల్లిదండ్రులకు చెప్పింది. వెంటనే ఆమె తండ్రి పోలీసులకు ఫిర్యాదు చేయడంతో, డాక్టర్ విజయ్ కుమార్ గిరిని అరెస్టు చేశారు.
ప్రభుత్వ స్పందన: ఈ ఘటన రాష్ట్ర ఉప ముఖ్యమంత్రి బ్రజేష్ పాఠక్ దృష్టికి వెళ్లడంతో, ఆయన తీవ్రంగా స్పందించారు. వెంటనే ఆ ఆసుపత్రిని సీజ్ చేయాలని ఆదేశించడంతో ఆరోగ్య శాఖ అధికారులు ఆసుపత్రిని మూసివేశారు. అంతేకాకుండా, నిందితుడైన డాక్టర్ విజయ్ కుమార్ గిరి యొక్క వైద్య లైసెన్స్ను శాశ్వతంగా రద్దు చేసేందుకు అవసరమైన న్యాయపరమైన చర్యలను ప్రభుత్వం ప్రారంభించింది. ఈ ఘటన లక్నో ప్రజల్లో తీవ్ర ఆగ్రహాన్ని, ఆందోళనను కలిగించింది.