ప్రపంచవ్యాప్తంగా చనిపోయి మళ్లీ బ్రతికిన వారి కథలను మీరు వినే ఉంటారు. మరణానంతరం వారికి ఏం జరిగిందో, వారు ఏం చూశారో కూడా వారు చెబుతుంటారు. అయితే, మీ కళ్లముందే ఒక వ్యక్తి చనిపోయి మళ్లీ బ్రతకడం ఎప్పుడైనా చూశారా? లేకపోతే ఈ వీడియోను తప్పక చూడండి. ఒక వృద్ధుడు చనిపోయాడని భావించి అంత్యక్రియలకు సిద్ధం చేశారు. చితిపై పడుకోబెట్టి నిప్పు పెట్టారు. కానీ, చితిలో నుంచి పొగ రాగానే ఆ మృతదేహం లేచి పరుగు తీసింది. ఇది చూసి అక్కడున్న బంధువులు షాక్కు గురయ్యారు.
ఏం జరిగింది? అక్కడ చాలా మంది గుమిగూడారు. చితిపై పడుకోబెట్టిన వ్యక్తిని కట్టెలు, పిడకలతో కప్పారు. కుటుంబ సభ్యులు కడసారి వీడ్కోలు పలికి నిప్పు పెట్టారు. మంటలు అంటుకుని పొగ రాగానే, చనిపోయాడు అనుకున్న ఆ వ్యక్తి ఒక్కసారిగా లేచి తనపై ఉన్న కట్టెలను విసిరికొట్టి, చితి పైనుంచి లేచి పరుగు తీశాడు. చనిపోయిన వ్యక్తి లేచి పరిగెత్తడం చూసి బంధువులు కూడా ఏం జరుగుతుందో అర్థం కాక నిర్ఘాంతపోయారు.
నిజమా? కాదా? ఈ వీడియో సోషల్ మీడియాలో వైరల్ అవుతోంది. అయితే దీనిపై అనేక సందేహాలు కూడా వ్యక్తమవుతున్నాయి. చనిపోయిన వ్యక్తిని కఫన్ (తెల్లని వస్త్రం)లో కాకుండా ధోతీ-కుర్తాలో ఎందుకు పడుకోబెట్టారు? ఇది కేవలం వినోదం కోసం చేసిన వీడియోనా? అనే ప్రశ్నలు తలెత్తుతున్నాయి. ఈ ఘటన ఎక్కడ జరిగిందో ఎటువంటి అధికారిక సమాచారం లేదు. ఇది కేవలం నెట్టింట్లో వైరల్ అవుతున్న ఒక వీడియో మాత్రమే.