“అదేంటి దారుణం.. స్వాతంత్ర్య దినోత్సవం రోజు ఇలాగేనా?.” బుర్ఖా ధరించి విద్యార్థినులు చేసిన పని.. రగిలిపోతున్న నెటిజన్లు – యూపీలో కలకలం..!

ఉత్తరప్రదేశ్‌లోని గొండా జిల్లాలో ఉన్న ‘నాలెడ్జ్ బీమ్ అకాడమీ’ పాఠశాలలో, స్వాతంత్ర్య దినోత్సవ వేడుకల సందర్భంగా బుర్ఖా మరియు నిఖాబ్ ధరించిన విద్యార్థినులు భోజ్‌పురి, హర్యాన్వీ మరియు బాలీవుడ్ పాటలకు నృత్యం చేసిన వీడియో సోషల్ మీడియాలో వైరల్ కావడంతో తీవ్ర వివాదానికి దారితీసింది.

రెండు వర్గాలకు చెందిన ప్రజలు దీనిని తీవ్రంగా ఖండిస్తూ, పాఠశాల యాజమాన్యంపై చర్యలు తీసుకోవాలని డిమాండ్ చేస్తున్నారు.

ఈ వివాదం పెద్దది కావడంతో, పాఠశాల మేనేజర్ రామ్ సురేష్ బహిరంగంగా క్షమాపణలు కోరారు. ఈ సాంస్కృతిక కార్యక్రమం కేవలం వినోదం కోసం మాత్రమే నిర్వహించబడిందని, ఏ ఒక్కరి మతపరమైన మనోభావాలను దెబ్బతీసే ఉద్దేశం తమకు లేదని వివరణ ఇచ్చారు. అంతేకాకుండా, వేదికపై నృత్యం చేసిన విద్యార్థినులందరూ హిందూ వర్గానికి చెందినవారేనని ఆయన తెలిపారు.

ఈ ఘటనపై సమగ్ర విచారణ జరుపుతామని జిల్లా బేసిక్ ఎడ్యుకేషన్ ఆఫీసర్ అమిత్ కుమార్ సింగ్ ఆదేశించారు. విద్యాశాఖ అధికారులు సమర్పించే నివేదిక ఆధారంగా, తప్పు చేసిన పాఠశాల యాజమాన్యంపై తగిన చర్యలు తీసుకుంటామని భావిస్తున్నారు.