సాధారణంగా చక్కెర వ్యాధి లేదా మధుమేహం (Diabetes) వస్తే డాక్టర్లు అన్నం తినడం తగ్గించమని చెబుతారు. కానీ ఇక్కడొక లేడీ డాక్టర్ ఏకంగా 10 ఏళ్ల నుంచి అన్నం, చపాతీ ముట్టుకోలేదంటే నమ్ముతారా? అవును, MBBS చదువుతూ ఆరోగ్య నిపుణురాలిగా ఉన్న ఆకృతి గోయల్, తన ఇన్‌స్టాగ్రామ్ ఖాతాలో తన ఫిట్‌నెస్ సీక్రెట్ వెల్లడించారు.
దోసె కాదు, ఇది పెసరపప్పు దోసె ! గత 10 ఏళ్లుగా ఆమె అన్నం, రొట్టెలకు దూరంగా ఉన్నారు. ముఖ్యంగా గత రెండేళ్లుగా గోధుమలు, బియ్యానికి బదులుగా ‘పెసరపప్పు దోసె ‘ (Moong Dal Chilla) తినడం ప్రారంభించారు. ఇది ఒక ‘ప్రోటీన్ బాంబ్’ వంటిది. ఏదైనా కూరగాయలతో కలిపి ఈ పప్పు దోసె లేదా చిల్లా తింటే కడుపు నిండుతుంది, ఆరోగ్యానికీ మంచిది.
షుగర్ వ్యాధి రాకూడదనే ఈ నిర్ణయం! ఆకృతి ఇటువంటి కఠిన నిర్ణయం తీసుకోవడానికి ఒక బలమైన కారణం ఉంది. ఆమె కుటుంబం అంతటికీ మధుమేహం చరిత్ర ఉంది. “నా ఫ్యామిలీలో అందరికీ షుగర్ ఉంది, నాకు ఆ వ్యాధి రావడం ఇష్టం లేదు” అని ఆమె సూటిగా చెప్పారు. వ్యాధి వచ్చిన తర్వాత బాధపడటం కంటే, రాకముందే జాగ్రత్త పడటం తెలివైన పని కదా!
గుర్రమంత బలం వచ్చింది! అన్నం, చపాతీ తినకపోతే నీరసం రాదా? అని మీరు అడగవచ్చు. కానీ ఆకృతి ప్రకారం, ఆమెకు ఇప్పుడు మునుపటి కంటే రెట్టింపు శక్తి (Energy) ఉంది. 34 ఏళ్ల వయసులోనూ తన బ్యాచ్‌లోని మిగిలిన విద్యార్థుల కంటే తానే ఎక్కువ యాక్టివ్‌గా ఉన్నానని ఆమె గర్వంగా చెబుతారు. కార్బోహైడ్రేట్లు వదిలేస్తే బలహీనపడతాము అనేది అబద్ధమని ఆమె నిరూపించారు.
జిమ్ వర్కౌట్ అస్సలు వదలరు! కేవలం ఆహారం నియంత్రిస్తే సరిపోదు, శరీరానికి పని కూడా చెప్పాలి. ఆకృతి వారానికి 5 రోజులు తప్పకుండా ‘స్ట్రెంగ్త్ ట్రైనింగ్’ చేస్తారు. జిమ్ మరియు సరైన డైట్, ఈ రెండూ కలిస్తే ఫలితం ఖచ్చితంగా ఉంటుంది.
గోధుమ కంటే పప్పు ధాన్యాలే మిన్న! గోధుమ రొట్టె అరగడానికి సమయం పడుతుంది, తిన్న తర్వాత బద్ధకంగా అనిపిస్తుంది. కానీ పెసరపప్పు లేదా ఇతర పప్పుల దోసె తింటే ఆ సమస్య ఉండదు. ఇది అరగడం సులభం మరియు ఇందులో పీచు పదార్థం (Fiber) ఎక్కువగా ఉంటుంది. దీనివల్ల రక్తంలో చక్కెర స్థాయిలు పెరగవు.
చిన్న వయసులోనే జాగ్రత్త పడండి! “మాత్రలు మింగుతూ బతకడం కంటే, జీవనశైలి మార్చుకుని ఆరోగ్యంగా ఉండటం ముఖ్యం” అని ఆకృతి అందరికీ సూచిస్తున్నారు.