సాధారణంగా 70 ఏళ్లు వచ్చిందంటే.. విశ్రాంతి తీసుకోవడం, మందులు వేసుకోవడం, ఒళ్లు నొప్పులతో ఇబ్బంది పడటం చాలామందికి గుర్తొస్తుంది. కానీ, ఆ అపోహలన్నింటినీ పటాపంచలు చేస్తూ, 70 ఏళ్ల వయసులో జిమ్ కుర్రాళ్లే ఆశ్చర్యపోయేలా వెయిట్ లిఫ్టింగ్లో రికార్డు సృష్టించిన ఒక బామ్మ వీడియో ప్రస్తుతం సోషల్ మీడియాలో వైరల్ అవుతోంది.
ఇన్స్టాగ్రామ్లో ‘weightliftermummy’ అనే పేజీలో పోస్ట్ చేసిన ఈ వైరల్ వీడియోలో, ఆ బామ్మ ఏ మాత్రం భయం, వణుకు లేకుండా ఎంతో ఖచ్చితంగా డెడ్లిఫ్ట్ పొజిషన్ తీసుకుని, ఏకంగా ‘103 కిలోల’ బరువును అవలీలగా ఎత్తి అందరినీ ఆశ్చర్యపరిచారు. ఆమె ముఖంలో ఏమాత్రం అలసట కనిపించకపోగా, ఆత్మవిశ్వాసం మాత్రమే ఉట్టిపడింది. ఇది చూసి ప్రతిరోజూ జిమ్లో కష్టపడే యువకులు సైతం నోరెళ్లబెడుతున్నారు.
ప్రస్తుతం సోషల్ మీడియాలో ఈ వీడియో చూసిన వారంతా, “బామ్మ నిజంగానే అదరగొట్టేశారు, చిన్న చిన్న విషయాలకే సాకులు చెప్పే నేటి యువతకు ఇది ఒక గొప్ప పాఠం” అంటూ ఆమెపై ప్రశంసల జల్లు కురిపిస్తున్నారు.