అభిషేక్ శర్మ తన విధ్వంసకర బ్యాటింగ్‌కు పేరుగాంచాడు. ఈ ఓపెనర్ క్రీజులోకి వచ్చిన మొదటి ఓవర్ నుండే ఆక్రమణ మొదలుపెడతాడు. అందుకే అభిమానులు అతనికి ‘అభిSIX శర్మ’ అని పేరు పెట్టారు. శనివారం న్యూజిలాండ్‌తో జరిగిన ఐదో టీ20లో అభిషేక్ తన ప్రతాపాన్ని మరోసారి చూపించాడు.
తిరువనంతపురం మైదానంలో 16 బంతుల్లో 30 పరుగులు చేసిన అభిషేక్, తన ఇన్నింగ్స్‌లో 4 ఫోర్లు, 2 సిక్సర్లు కొట్టాడు. జాక్ డఫీ వేసిన ఇన్నింగ్స్ మొదటి ఓవర్లోనే ఒక భారీ సిక్సర్ బాదాడు. ఇది టీ20 అంతర్జాతీయ క్రికెట్‌లో మొదటి ఓవర్లో అతనికి 10వ సిక్సర్. దీనితో అతను ఒక ప్రత్యేకమైన క్లబ్‌లో చేరిపోయాడు.
టీ20 ఐలో ఇన్నింగ్స్ మొదటి ఓవర్లో 10 లేదా అంతకంటే ఎక్కువ సిక్సర్లు కొట్టిన ఆరో ఫుల్ మెంబర్ ప్లేయర్‌గా అభిషేక్ రికార్డు సృష్టించాడు. కేవలం 104 బంతుల్లోనే ఈ ఘనత సాధించడం విశేషం.
మొదటి ఓవర్ సిక్సర్ల గణాంకాలు (బంతులు):
- అభిషేక్ శర్మ (భారత్): 10 సిక్సర్లు (104 బంతులు)
- రహ్మానుల్లా గుర్బాజ్ (ఆఫ్ఘనిస్తాన్): 10 సిక్సర్లు (244 బంతులు)
- రోహిత్ శర్మ (భారత్): 12 సిక్సర్లు (401 బంతులు)
- మార్టిన్ గప్టిల్ (న్యూజిలాండ్): 12 సిక్సర్లు (367 బంతులు)
- పాల్ స్టిర్లింగ్ (ఐర్లాండ్): 13 సిక్సర్లు (447 బంతులు)
- ఎవిన్ లూయిస్ (వెస్టిండీస్): 13 సిక్సర్లు (163 బంతులు)
ఈ మ్యాచ్‌లో ఇషాన్ కిషన్ కేవలం 43 బంతుల్లోనే 103 పరుగులు చేసి సెంచరీతో చెలరేగగా, భారత్ నిర్ణీత ఓవర్లలో 271 పరుగుల భారీ స్కోరు సాధించింది. సూర్యకుమార్ యాదవ్ (63), హార్దిక్ పాండ్యా (42) కూడా రాణించారు.