61 ఏళ్ల వయసులో అమీర్ ఖాన్ తన మూడవ వివాహం గురించి వార్తల్లో నిలిచారు. త్వరలోనే తన గర్ల్ఫ్రెండ్ గౌరీ స్ప్రెట్ను ఒక ప్రైవేట్ వేడుకలో పెళ్లి చేసుకోబోతున్నట్లు సమాచారం. ఈ నేపథ్యంలో, ఆయన మాజీ భార్యలు రీనా దత్తా మరియు కిరణ్ రావులతో ఉన్న బంధం, విడాకుల తర్వాత అమీర్ వారికి ఎంత భరణం ఇచ్చారనేది ఆసక్తికరంగా మారింది.
రీనా దత్తాతో బంధం: అమీర్ ఖాన్, తన 21 ఏళ్ల వయసులో 1986లో 19 ఏళ్ల రీనా దత్తాను ప్రేమించి పెళ్లి చేసుకున్నారు. ‘కయామత్ సే కయామత్ తక్’ సినిమా షూటింగ్ సమయంలో ఈ విషయం బయటకు తెలిసింది. వీరికి జునైద్, ఐరా అనే ఇద్దరు పిల్లలు ఉన్నారు. 16 ఏళ్ల వైవాహిక జీవితం తర్వాత, 2002లో వీరిద్దరూ పరస్పర అంగీకారంతో విడాకులు తీసుకున్నారు. మీడియా నివేదికల ప్రకారం, అమీర్ ఖాన్ తన భరణం కింద రీనా దత్తాకు 50 కోట్ల రూపాయలు ఇచ్చారు.
కిరణ్ రావుతో బంధం: ‘లగాన్’ సినిమా షూటింగ్ సమయంలో కిరణ్ రావుతో అమీర్ ఖాన్ పరిచయం ప్రేమగా మారింది. వీరు 2005లో వివాహం చేసుకున్నారు. వీరికి ఒక కుమారుడు ఆజాద్ ఉన్నాడు. 16 ఏళ్ల బంధం తర్వాత 2021లో వీరిద్దరూ విడాకులు తీసుకున్నారు. అయితే, కిరణ్ రావుకు అమీర్ ఖాన్ ఎంత భరణం ఇచ్చారనే విషయానికి సంబంధించి ఎటువంటి అధికారిక సమాచారం వెల్లడి కాలేదు.
మూడవ వివాహానికి సిద్ధం: గత ఒక సంవత్సరానికి పైగా అమీర్ ఖాన్, గౌరీ స్ప్రెట్తో డేటింగ్లో ఉన్నారు. అమీర్ తన 60వ పుట్టినరోజున మీడియాకు గౌరీ గురించి వెల్లడించారు. వీరిద్దరూ జూలై 5న తమ కుటుంబ సభ్యులు మరియు సన్నిహితుల సమక్షంలో వివాహం చేసుకోబోతున్నట్లు తెలుస్తోంది.