ఇరాన్పై ఇజ్రాయెల్-అమెరికా ఉమ్మడి దాడులు తీవ్రతరమవ్వడంతో సోషల్ మీడియాలో (X నుండి Reddit వరకు) యుద్ధ వార్తలు నిండిపోయాయి. అయితే, ఈ ఉద్రిక్త సమయాల్లో కూడా నెటిజన్లు తమదైన శైలిలో హాస్యాన్ని జోడిస్తూ మీమ్స్ వర్షం కురిపిస్తున్నారు. ముఖ్యంగా యుద్ధంలో భాగం కాని దేశాలను టార్గెట్ చేస్తూ వస్తున్న పోస్ట్లు వైరల్ అవుతున్నాయి.
వైరల్ అవుతున్న మీమ్స్:
- కిమ్ జోంగ్ ఉన్: ఉత్తర కొరియా నియంత కిమ్ జోంగ్ ఉన్ ఒక క్షిపణి పక్కన కూర్చుని.. “అందరూ ఒకరిపై ఒకరు బాంబులు వేసుకుంటున్నారు కానీ నన్ను ఎవరూ పిలవలేదేంటి?” అని ఎదురుచూస్తున్నట్లు ఉన్న మీమ్స్ వేలల్లో షేర్ అవుతున్నాయి. పాశ్చాత్య దేశాలను ఎప్పుడూ క్షిపణులతో బెదిరించే కిమ్ను నెటిజన్లు ఇలా ఆటపట్టిస్తున్నారు.
- బంగ్లాదేశ్: బంగ్లాదేశ్ తన వద్ద లేని “హైపర్ సోనిక్ ఎఫ్-72 ఫైటర్ జెట్లు”, “కాంగ్లు ICBM”లను ఇరాన్ సహాయం కోసం పంపిస్తోందంటూ వ్యంగ్యంగా మీమ్స్ చేస్తున్నారు.
- పాకిస్థాన్: “ఇరాన్ గగనతలాన్ని కాపాడటానికి పాకిస్థాన్ తన అత్యంత ఆధునిక యుద్ధ విమానాలను పంపింది” అంటూ పాత విమానాల ఫోటోలను పెట్టి నెటిజన్లు ఎగతాళి చేస్తున్నారు.
- చైనా డిఫెన్స్ సిస్టమ్: టెహ్రాన్ రక్షణ కోసం ఇరాన్ ఉపయోగించిన చైనా ఎయిర్ డిఫెన్స్ సిస్టమ్స్ దారుణంగా విఫలమయ్యాయనే వార్తల నేపథ్యంలో, చైనా వస్తువుల నాణ్యతపై మీమ్స్ వెల్లువెత్తుతున్నాయి.
ఆపరేషన్ ఎపిక్ ఫ్యూరీ: ఫిబ్రవరి 28న అమెరికా, ఇజ్రాయెల్ దళాలు ‘ఆపరేషన్ ఎపిక్ ఫ్యూరీ’ పేరుతో ఇరాన్ లోని కీలక సైనిక స్థావరాలు, అణు మౌలిక సదుపాయాలు మరియు నాయకత్వ కేంద్రాలపై భారీ వైమానిక దాడులు జరిపినట్లు ఈ కథనం పేర్కొంది.
Leave a Reply