సౌదీ అరేబియాలోని రియాద్‌ నగరం ఉన్న అమెరికా రాయబార కార్యాలయంపై జరిగిన డ్రోన్ దాడి, మనం అనుకున్నదానికంటే అనేక రెట్లు భయంకరమైనదని తాజాగా వెల్లడైన సమాచారం పేర్కొంటోంది. మొదట్లో దీనిని చిన్న అగ్నిప్రమాదంగా అమెరికా అధికారులు కొట్టిపారేసినప్పటికీ, ఇప్పుడు వెలుగులోకి వస్తున్న వాస్తవాలు భిన్నంగా ఉన్నాయి.
అర్ధరాత్రి 1:30 గంటలు: గాఢ నిద్రలో రాయబార కార్యాలయం మార్చి 3వ తేదీ, అర్ధరాత్రి 1:30 గంటల సమయం. ప్రపంచంలోనే అత్యంత సురక్షితమైన ప్రదేశంగా భావించే రియాద్‌లోని అమెరికా రాయబార కార్యాలయం నిశ్శబ్దంగా ఉంది. అకస్మాత్తుగా ఆకాశంలో రెండు ఇరాన్ తయారీ అత్యాధునిక డ్రోన్లు మెరుపు వేగంతో ప్రత్యక్షమయ్యాయి. మొదటి డ్రోన్ కార్యాలయం యొక్క మందపాటి రక్షణ గోడను ఖచ్చితత్వంతో తాకి పెద్ద రంధ్రం చేసింది. మరుసటి క్షణంలోనే, రెండో డ్రోన్ అదే రంధ్రం గుండా లోపలికి ప్రవేశించి పేలిపోయింది. దీనిని భద్రతా నిపుణులు ‘సర్జికల్ ప్రిసిషన్’ (Surgical Precision) దాడిగా అభివర్ణిస్తున్నారు.
కాలిబూడిదైన రహస్యాలు: మూడు అంతస్తులు ఖాళీ! వాల్ స్ట్రీట్ జర్నల్ (WSJ) కథనం ప్రకారం, ఈ దాడిలో రాయబార కార్యాలయంలోని మూడు అంతస్తులు పూర్తిగా ధ్వంసమయ్యాయి. అత్యంత విచారకరమైన విషయం ఏంటంటే, ఈ మూడు అంతస్తుల్లో అమెరికా గూఢచారి సంస్థ CIA స్టేషన్ కూడా ఉంది. ఇక్కడ భద్రపరిచిన అత్యంత రహస్య డేటా మరియు గూఢచార సమాచారం ప్రస్తుతం నిరుపయోగంగా మారాయి. కొన్ని భాగాలు తిరిగి పునరుద్ధరించలేనంతగా దెబ్బతినడం అమెరికాకు కోలుకోలేని దెబ్బ అని నిపుణులు అంటున్నారు.
నిజం ఎందుకు దాచారు? దాడి జరిగిన కొత్తలో అమెరికా దీనిని ఒక “చిన్న ప్రమాదం”గా చిత్రీకరించింది. ఇరాన్ యొక్క డ్రోన్ సాంకేతికత ఎంత బలంగా ఉందో ప్రపంచానికి తెలియకూడదనే ఉద్దేశంతో లేదా తమ భద్రతా లోపాలు బయటపడతాయనే భయంతో అమెరికా మౌనం వహించి ఉండవచ్చని ప్రశ్నలు తలెత్తుతున్నాయి. అదృష్టవశాత్తూ దాడి అర్ధరాత్రి జరగడంతో భారీ ప్రాణనష్టం తప్పింది.
ఇరాన్ ‘మాస్టర్ ప్లాన్’ – తలపట్టుకున్న వాషింగ్టన్! మధ్యప్రాచ్యంలో అమెరికా ఆధిపత్యం తగ్గుతోందని ఈ ఘటన స్పష్టం చేస్తోంది. ఇరాన్ యొక్క డ్రోన్ సాంకేతికత ఇప్పుడు అమెరికాలోని అత్యాధునిక క్షిపణి నిరోధక వ్యవస్థలను (Air Defense Systems) కూడా ఏమార్చి వెళ్లే స్థాయికి ఎదిగింది.