సాధారణంగా చలికాలంలో స్నానం చేయడానికి ఇష్టపడని చిన్న పిల్లలను తల్లులు బలవంతంగా స్నానం చేయించడం మనం చూస్తుంటాం. కానీ ఇక్కడ ఒక వివాహితుడు చాలా రోజులుగా స్నానం చేయకుండా ఉండటంతో, అతని భార్య ఏకంగా ఒక హ్యాండ్ పంప్ (చేతి పంపు) వద్ద భర్త కాళ్లు, చేతులను కట్టేసి బలవంతంగా స్నానం చేయించింది.
ఎక్స్ (గతంలో ట్విట్టర్) వేదికగా షేర్ చేయబడిన ఈ వీడియో ఇప్పటికే లక్షలాది వ్యూస్ సాధించింది. ఈ వీడియోను చూసిన నెటిజన్లు రెండు రకాలుగా స్పందిస్తున్నారు. కొందరు “ఇది భర్తపై భార్యకు ఉన్న ప్రేమ” అని సరదాగా కామెంట్లు పెడుతుండగా, మరికొందరు మాత్రం “ఇది భర్తను హింసించడమే, ఇలాంటి పనులు చేయడం తప్పు” అంటూ తమ ఖండనను వ్యక్తం చేస్తున్నారు.