“అయ్యో! ఏంట్రా ఈ వికృత అలవాటు?” మత్తులో మైమరిచి పడి ఉన్న యువకుడి తలపై మూత్ర విసర్జన చేసిన దారుణం..

ఉత్తరప్రదేశ్ రాష్ట్రం కాన్పూర్‌లో, మత్తు మైకంలో పడి ఉన్న ఒక యువకుడి తలపై మరొక వ్యక్తి మూత్ర విసర్జన చేస్తూ నవ్వుతున్న షాకింగ్ వీడియో సోషల్ మీడియాలో ప్రత్యక్షమై తీవ్ర కలకలాన్ని, ఆగ్రహాన్ని రేకెత్తించింది.

ఈ రోత పుట్టించే అసహ్యకరమైన చర్యకు పాల్పడిన వ్యక్తి, బాధితుడిని అవమానించేలా దానిని వీడియో కూడా తీశాడు.

ఆ వీడియోలో, మూత్ర విసర్జన చేసిన ఆ వ్యక్తి ఆ తర్వాత ఒక బాటిల్‌లోని నీళ్లను బాధితుడి తలపై పోసి కడగడం కూడా రికార్డయ్యింది. ఈ దారుణ ఘటన జరిగి దాదాపు 20 రోజులు అయి ఉండవచ్చని ప్రాథమిక విచారణలో తేలింది.

ఇంటర్నెట్‌లో వైరల్ అయిన ఈ వీడియో ఆధారంగా కాన్పూర్ పోలీసులు కేసు నమోదు చేసి తీవ్రంగా దర్యాప్తు చేస్తున్నారు. ఆరోపణలు ఎదుర్కొంటున్న వ్యక్తిని గుర్తించి, అతడిని త్వరలోనే అరెస్టు చేయడానికి ప్రత్యేక పోలీస్ బృందాన్ని ఏర్పాటు చేసినట్లు అధికారులు తెలిపారు.