“అయ్యో.. కాపాడండి!” రైలు బోగీలో పేలిన సిలిండర్.. ప్రాణభయంతో పరుగులు తీసిన ప్రయాణికులు.. ఒళ్లు గగుర్పొడిచే భయానక వీడియో.!

ఫిరోజాబాద్ సమీపంలోని షికోహాబాద్ రైల్వే స్టేషన్‌లో ఆగి ఉన్న రైలు బోగీలో, అకస్మాత్తుగా భారీ శబ్దంతో గ్యాస్ సిలిండర్ పేలింది.

ఈ ప్రమాదం జరిగిన కొద్ది క్షణాల్లోనే మంటలు శరవేగంగా వ్యాపించి, ఆ బోగీ మొత్తాన్ని పూర్తిగా చుట్టుముట్టి అగ్నికి ఆహుతి చేశాయి.

సమాచారం అందుకున్న వెంటనే ఘటనా స్థలానికి చేరుకున్న అగ్నిమాపక సిబ్బంది, రెస్క్యూ బృందాలు మంటలను అదుపు చేసేందుకు తీవ్రంగా శ్రమించాయి. అలాగే, ఆ ప్రాంతంలో ఉన్న ప్రయాణికులను, స్థానికులను తక్షణమే సురక్షిత ప్రాంతాలకు తరలించారు.

బోగీలో ఉన్న సిలిండర్ పేలడమే ఈ ప్రమాదానికి ప్రాథమిక కారణమని ప్రాథమిక సమాచారం ద్వారా తెలుస్తోంది. అయితే, రైలు బోగీలోకి సిలిండర్‌ను ఎలా తీసుకువచ్చారు? ఈ ప్రమాదం వెనుక ఉన్న ఇతర కారణాలు ఏమిటి? అనే కోణాల్లో రైల్వే పోలీసులు, ఉన్నతాధికారులు లోతైన దర్యాప్తు జరుపుతున్నారు.