“అయ్యో.. వాళ్లే నా తమ్ముడిని చంపేసి ఉరేసి చంపేశారు!” న్యాయం అడిగితే పోలీసుల బెదిరింపులు.. రాఖీ పండుగ రోజే కన్నీటిపర్యంతమైన సోదరి.. గుండెల్ని పిండేస్తున్న సంచలన ఆరోపణలు.!

రక్షాబంధన్ పండుగ వేళ, నాగ మహేష్ అనే యువకుడి మరణం ఆత్మహత్య కాదని.. అది ముమ్మాటికీ హత్యేనంటూ అతని సోదరి కన్నీరుమున్నీరవుతూ విడుదల చేసిన వీడియో ప్రస్తుతం తీవ్ర కలకలం రేపుతోంది.

గత ఆరు నెలలుగా తన సోదరుడి మృతికి న్యాయం చేయాలని పోరాడుతున్నానని చెబుతూ, చేతిలో తమ్ముడి ఫోటో పట్టుకుని ఆమె గుండెలు పగిలేలా రోదిస్తున్న దృశ్యాలు సోషల్ మీడియాలో అందరినీ తీవ్రంగా కలచివేస్తున్నాయి.

ఈ కేసులో అధికార తెలుగుదేశం పార్టీకి చెందిన కొందరు నేతల పరోక్ష అండదండలు నిందితులకు ఉన్నాయని ఆమె ఆరోపిస్తూ, తమకు న్యాయం చేయాల్సిన పోలీసులే తమను బెదిరిస్తున్నారని ఆవేదన వ్యక్తం చేశారు. హత్యను ఆత్మహత్యగా చిత్రీకరిస్తూ కేసును పక్కదారి పట్టించేందుకు ప్రయత్నిస్తున్న అసలైన నిందితులను అరెస్ట్ చేయాలని తాను నిరంతరం పోరాడుతున్నప్పటికీ, రాజకీయ ఒత్తిళ్ల కారణంగా ఇప్పటివరకు తమకు సరైన న్యాయం జరగలేదని ఆ వీడియోలో ఆమె తీవ్ర ఆరోపణలు చేశారు.

తన సోదరుడి మరణానికి న్యాయం జరిగే వరకు ఈ పోరాటాన్ని ఆపే ప్రసక్తే లేదని స్పష్టం చేస్తూ.. తమ కుటుంబానికి జరిగిన ఈ అన్యాయంపై ప్రజలు, మానవ హక్కుల సంఘాలు తమకు అండగా నిలవాలని ఆమె కన్నీటితో విజ్ఞప్తి చేశారు. ఈ ఘటన ఆ ప్రాంతంలో తీవ్ర సంచలనం సృష్టించడంతో పాటు పోలీసుల పనితీరు, విశ్వసనీయతపై అనేక ప్రశ్నలను లేవనెత్తుతోంది.