ఆడుకుంటున్న చిన్నారికి ఎదురైన ఘోరం..! అకస్మాత్తుగా వచ్చి దాడి చేసిన వీధి కుక్క.. “ముఖానికి తీవ్ర గాయాలు”.. పాప అరుపులు విని పరుగెత్తుకొచ్చిన జనం.. CCTVలో నమోదైన కలచివేసే దృశ్యాలు..!!!

ఢిల్లీలోని సంగమ్ విహార్ ప్రాంతంలో ఒక వీధి కుక్క 18 నెలల పసిపాపపై అకస్మాత్తుగా దాడి చేయడంతో, ఆ చిన్నారి ముఖానికి తీవ్ర గాయాలయ్యాయి.

అబ్బాస్ అనే ఆ పసిపాప ప్రాణాపాయ స్థితిలో ఆసుపత్రిలో చేర్పించబడి, ప్రస్తుతం ఐసియూ (ICU)లో చికిత్స పొందుతున్నట్లు సమాచారం. ఈ ఘటన స్థానిక ప్రజల్లో తీవ్ర దిగ్భ్రాంతిని కలిగించింది.

చిన్నారిపై వీధి కుక్క దాడి చేసిన ఘటన సమీపంలోని సిసిటివి (CCTV) కెమెరాలో నమోదైంది. పాప ఏడుపు, అరుపులు విని పొరుగువారు వెంటనే పరుగెత్తుకొచ్చి, కుక్కను తోలేశారు. దీంతో మరింత ప్రమాదం జరగకుండా చిన్నారిని కాపాడగలిగారు.

దాడిలో గాయపడిన చిన్నారిని వెంటనే ఆసుపత్రికి తరలించారు. ముఖంపై అయిన గాయాలు తీవ్రంగా ఉండటంతో, పాపకు అత్యవసర చికిత్స విభాగంలో చికిత్స అందిస్తున్నారు. ఈ ఘటనతో ఆ ప్రాంత ప్రజలు తీవ్ర భయాందోళనలకు గురవుతున్నారు.

సంఘటన అనంతరం ఢిల్లీ మున్సిపల్ కార్పొరేషన్ అధికారులు ఆ ప్రాంతంలో చర్యలు చేపట్టి, పలు వీధి కుక్కలను పట్టుకుని సురక్షిత ప్రాంతాలకు తరలించారు. అయితే, చిన్నారిపై దాడి చేసిన కుక్క మాత్రం ఇప్పటివరకు దొరకలేదని తెలిపారు. ఆ కుక్కను వెంటనే పట్టుకుని, ప్రజల భద్రతను విధిగా పునరుద్ధరించాలని స్థానికులు కోరుతున్నారు.