గత ఏడాది ఇంగ్లండ్ గడ్డపై జరిగిన టెస్ట్ సిరీస్‌లో టీమిండియా స్టార్ బ్యాటర్ శుభ్‌మన్ గిల్ ఒక్కడే ఒంటిచేత్తో కొట్టిన పరుగులు.. ప్రస్తుతం జరుగుతున్న సిరీస్‌లో పాకిస్తాన్ జట్టు మొత్తం కలిసి చేసిన పరుగుల కంటే ఎక్కువనే గణంకాలు బయటకు రావడంతో సోషల్ మీడియాలో తీవ్ర చర్చనీయాంశంగా మారింది.
గత 2025లో ఇంగ్లండ్‌తో జరిగిన టెస్ట్ సిరీస్‌లో అద్భుత ప్రదర్శన కనబరిచిన గిల్.. ఒంటిచేత్తో ఏకంగా 754 పరుగులు సాధించి అదరగొట్టాడు.
కానీ, బాబర్ ఆజమ్ నేతృత్వంలోని పాకిస్తాన్ క్రికెట్ జట్టు.. ప్రస్తుతం ఇంగ్లండ్ పర్యటనలో జరుగుతున్న టెస్ట్ సిరీస్‌లో ఘోరమైన బ్యాటింగ్ వైఫల్యంతో కొట్టుమిట్టాడుతోంది. సిరీస్‌లోని మొదటి రెండు టెస్టులతో పాటు మూడో టెస్ట్ తొలి ఇన్నింగ్స్ పూర్తయ్యే సమయానికి పాక్ జట్టులోని ఆటగాళ్లందరూ కలిసి కేవలం 743 పరుగులు మాత్రమే చేయగలిగారు. అంటే, గత పర్యటనలో టీమిండియా బ్యాటర్ శుభ్‌మన్ గిల్ ఒక్కడే బాదిన పరుగుల మైలురాయిని కూడా పాకిస్తాన్ జట్టు మొత్తంగా అధిగమించలేకపోయింది. ఈ చెత్త రికార్డు క్రికెట్ అభిమానులను తీవ్ర దిగ్భ్రాంతికి గురిచేస్తోంది.
ఇంగ్లండ్ పేస్ దాడిని తట్టుకోలేక పాక్ బ్యాటర్లు వరుసగా పెవిలియన్ బాట పడుతుండటం ఆ జట్టు బ్యాటింగ్ బలహీనతను బట్టబయలు చేసింది. ఈ గణాంకాలను తెరపైకి తెస్తూ ఎక్స్ (ట్విట్టర్), ఇన్‌స్టాగ్రామ్ వంటి సోషల్ మీడియా వేదికల్లో క్రికెట్ అభిమానులు బాబర్ ఆజమ్‌తో పాటు పాక్ జట్టుపై విపరీతంగా మీమ్స్ పేలుస్తూ ట్రోల్ చేస్తున్నారు. అంతర్జాతీయ వేదికపై భారత ఆటగాడి ఆధిపత్యాన్ని ఒకవైపు ప్రశంసిస్తుండగా.. పాక్ జట్టు పేలవ ప్రదర్శన క్రీడా వర్గాల్లో హాట్ టాపిక్‌గా మారింది.