కుటుంబ పరిస్థితుల కారణంగా చదువు మధ్యలోనే ఆపేసి, వీధి పక్కన చిన్న దుకాణం నడుపుకుంటున్న ఒక బాలుడిపై పొరుగు దుకాణదారుడు అతి దారుణంగా దాడి చేసిన వీడియో సోషల్ మీడియాలో వైరల్ అవుతూ తీవ్ర దిగ్భ్రాంతిని కలిగిస్తోంది.
అసలేం జరిగిందంటే? ఆ బాలుడి నుండి ప్రతిరోజూ 50 రూపాయలు ‘మామూలు’ ఇవ్వాలని సదరు వ్యక్తి బెదిరిస్తూ అరాచకానికి పాల్పడుతున్నాడు. అక్కడ ఉన్న ఒక కస్టమర్ ఈ దారుణాన్ని గమనించి తన సెల్‌ఫోన్‌లో వీడియో తీయడంతో ఈ విషయం వెలుగులోకి వచ్చింది.
పేదరికంలో ఉన్నా కష్టపడి బతకాలనుకున్న ఆ బాలుడిని నిరంతరం వేధిస్తున్న ఆ వ్యక్తి చర్యపై సోషల్ మీడియాలో తీవ్ర నిరసన వ్యక్తమవుతోంది. ఆ బాలుడికి న్యాయం జరగాలని, నిందితుడిపై కఠిన చర్యలు తీసుకోవాలని నెటిజన్లు పెద్ద ఎత్తున డిమాండ్ చేస్తున్నారు.