“ఇంట్లోకి దూరి పిల్లని లేపుకెళ్లండిరా..!” బెంగళూరును వణికించిన రాజస్థాన్ ముఠా.. 6 మందిపైకి కారు ఎక్కించడంతో వెలుగులోకి వచ్చిన భయంకర ఘటన.. కొత్త పెళ్లికూతురికి జరిగిన ఘోరం..!!

రాజస్థాన్‌కు చెందిన పూజ అనే 21 ఏళ్ల యువతి, తన కుటుంబ సభ్యులను సైతం లెక్కచేయకుండా ఓం ప్రకాష్ అనే వ్యక్తిని ప్రేమించి పెళ్లి చేసుకుంది.

పెళ్లి తర్వాత కుటుంబ సభ్యుల వేధింపులు లేకుండా ఉండటానికి, ఈ దంపతులు బెంగళూరుకు వచ్చి అగ్రహార దాసరహళ్లిలో నివాసముంటున్నారు.

అయితే ఆ యువతి కుటుంబ సభ్యులు ఈ పెళ్లిని అంగీకరించక తీవ్ర ఆగ్రహంతో ఉన్నారు. పూజ ఎక్కడుందో తెలుసుకోవడానికి, ఆమెతో మాట్లాడుతూ ఉండే మేనత్తనే పావుగా వాడుకున్నారు. మేనత్త ద్వారా పూజ ఇంటి చిరునామా తెలుసుకున్న కుటుంబ సభ్యులు, ఆమెను బలవంతంగా అపహరించి తీసుకరావడానికి రాజస్థాన్ నుండి నలుగురు వ్యక్తుల ముఠాను బెంగళూరుకు పంపారు.

ఘటన జరిగిన రోజున ఇంట్లోకి చొరబడిన ఆ రాక్షస ముఠా, పూజను బలవంతంగా ఎత్తుకెళ్లి హ్యుందాయ్ వెన్యూ కారులో ఎక్కించి పరారయ్యేందుకు ప్రయత్నించింది. కారులో పూజ భయంతో ఏడుస్తూ కేకలు వేయడంతో, కారు నడుపుతున్న డ్రైవర్ కంగారుపడి కారును అతి వేగంగా, నిర్లక్ష్యంగా నడిపాడు.

తప్పించుకునే హడావుడిలో ఆ కారు వరుసగా వస్తున్న పలు ద్విచక్ర వాహనాలను బలంగా ఢీకొట్టి తీవ్ర ప్రమాదానికి గురిచేసింది. ఈ ప్రమాదంలో పిల్లలతో సహా ఆరుగురు తీవ్రంగా గాయపడ్డారు. ఇందులో తలకు తీవ్ర గాయమైన జయలక్ష్మి అనే వృద్ధురాలు ప్రస్తుతం అత్యవసర చికిత్స విభాగంలో చావుబతుకుల మధ్య పోరాడుతోంది.

ఈ ప్రమాదాన్ని చూసి దిగ్భ్రాంతి చెందిన స్థానికులు కారును తారసపడి వెంబడించి, కిడ్నాప్ ముఠాను పట్టుకుని ధర్మఅగ్ని (దేహశుద్ధి) చేశారు. సమాచారం అందుకున్న పోలీసులు రాకేష్, కరణ్, అయాన్ అనే ముగ్గురిని అరెస్టు చేసి కారును స్వాధీనం చేసుకున్నారు. పరారైన డ్రైవర్ సద్దాం కోసం తీవ్రంగా గాలిస్తున్నారు.