భారత ఇన్నింగ్స్ 17వ ఓవర్‌లో గుడకేష్ మోతీ వేసిన బంతిని అక్షర్ పటేల్ డీప్ బ్యాక్‌వర్డ్ స్క్వేర్ లెగ్ దిశగా శక్తివంతంగా ఫ్లిక్ చేశారు. ఆ బంతి బౌండరీ లైన్ వైపు వేగంగా దూసుకెళ్లింది. బంతి బౌండరీ దాటిపోయిందని భావించిన అక్షర్ పటేల్, నాన్‌స్ట్రైక్ ఎండ్‌లో ఉన్న తిలక్ వర్మ ఇద్దరూ పరుగులు తీయడం ఆపేసి, పిచ్ మధ్యలో ఒకరికొకరు గ్లోవ్స్‌తో తాకించుకుంటూ ముందే విజయాన్ని సెలబ్రేట్ చేసుకున్నారు.
అయితే, ఫీల్డింగ్‌లో మెరుపు వేగంతో స్పందించిన కేమాల్ పూరన్ పరుగెత్తుకెళ్లి బౌండరీ లైన్‌కు కొద్ది దూరం ముందు బంతిని అద్భుతంగా ఆపి మైదానంలోకి విసిరాడు. బంతి ఇంకా లైవ్ (ఆటలో)లోనే ఉందన్న సంగతి గమనించకుండానే భారత బ్యాటర్లు నిర్లక్ష్యంగా నిలబడిపోయారు.
వెస్టిండీస్ ఆటగాళ్లు వెంటనే అప్రమత్తమై బంతిని వికెట్ కీపర్ షాయ్ హోప్‌కు అందించారు. ఆయన అక్షర్ పటేల్‌ను అవుట్ చేయడానికి ప్రయత్నించగా, అప్పటికే అక్షర్ తన క్రీజులోకి వేగంగా వెనక్కి చేరుకున్నాడు. అయినప్పటికీ, మరోవైపు ఏం జరుగుతుందో తెలియక అలసత్వంగా నిలబడిన తిలక్ వర్మను ఔట్ చేసేందుకు బౌలర్ మోతీకి బంతిని అందించారు. మోతీ వికెట్లను గిరాటేయడంతో, థర్డ్ అంపైర్ పరిశీలన అనంతరం తిలక్ వర్మ ఔట్ అయినట్లు ప్రకటించారు.
బాగా ఆడుతూ 16 బంతుల్లో 4 ఫోర్లతో 28 పరుగులు చేసిన తిలక్ వర్మ, ఈ అకస్మాత్తుగా జరిగిన నిర్లక్ష్యం కారణంగా వికెట్‌ను కోల్పోవడం అభిమానులను తీవ్ర నిరాశకు గురిచేసింది. డెగౌట్‌లో కూర్చుని ఈ ఘటనను చూసిన భారత జట్టు ప్రధాన కోచ్ గౌతమ్ గంభీర్ తీవ్ర అసంతృప్తికి, నిరాశకు లోరయ్యారు.
Leave a Reply