ఆటో డ్రైవర్లు నెలకు ₹30 వేల నుండి ₹45 వేల వరకు సంపాదించడమే కష్టమైన పనిగా ఉంది.
కానీ ముంబైకి చెందిన ఒక ఆటో రిక్షా డ్రైవర్, తాను నెలకు సుమారు ₹75,000 సంపాదిస్తున్నట్లు చెప్పడం ఇంటర్నెట్‌లో పెద్ద చర్చకు దారితీసింది. ఇన్‌స్టాగ్రామ్ ఇన్‌ఫ్లుయెన్సర్ ఉత్కర్ష్ వర్మ పంచుకున్న ఒక వీడియోలో, ఆ డ్రైవర్ తన ఆదాయం గురించి వివరంగా వివరించాడు.
ముంబైలో రోజుకు ₹2500 ఆదాయం
చెన్నైలో పరిస్థితి ఇలా ఉంటే, ముంబై ఆటో డ్రైవర్ మాత్రం అన్ని ఖర్చులు పోను రోజుకు సగటున ₹2,500 సంపాదిస్తున్నట్లు తెలిపాడు. అంటే నెలకు సుమారు ₹75,000. ఈ వీడియో చూసిన నెటిజన్లు, తాము చేస్తున్న ఉద్యోగాల కంటే ఆటో నడపడమే మేలని ముంబై వెళ్దామా అని సరదాగా చర్చించుకుంటున్నారు.
డబ్బు కురిపించే నగరం
ముంబైలో జీవన వ్యయం (Cost of living) ఎక్కువ కదా అని ఉత్కర్ష్ వర్మ అడిగినప్పుడు, ఆ డ్రైవర్ చాలా చాకచక్యంగా సమాధానం ఇచ్చాడు. “ముంబై ఖరీదైన నగరమే, కానీ సంపాదించే అవకాశాలు కూడా ఇక్కడే ఎక్కువగా ఉన్నాయి. ఇక్కడ డబ్బు వర్షంలా కురుస్తోంది, వెతకడం తెలిసిన వారికి ముంబైలో డబ్బు కొదవలేదు” అని అన్నాడు.
కనీసం ₹60,000 ఖాయం
వర్మ తన బి.టెక్ పూర్తి చేసిన తర్వాత చేరిన మొదటి కంపెనీలో కూడా ఇంత జీతం రాలేదని ఆవేదన వ్యక్తం చేశాడు. దానికి ఆ డ్రైవర్ స్పందిస్తూ.. “సగటున ₹75,000 వస్తుంది. కొంచెం కష్టపడితే ₹1 లక్ష వరకు కూడా సంపాదించవచ్చు. ఎంత తక్కువ అనుకున్నా నెలకు ₹60,000 ఖచ్చితంగా వస్తుంది” అని ధీమాగా చెప్పాడు.
వర్మ తన పోస్ట్‌లో ఒక ఆఫీసు గదిలో బందీగా ఉండటం కంటే, ఆటో నడపడం వల్ల నెట్‌వర్కింగ్ అవకాశాలు ఎక్కువగా ఉంటాయని పేర్కొన్నాడు. “భారతదేశంలో ₹30,000 జీతం వచ్చే ఉద్యోగానికి గౌరవం ఉంటుంది, కానీ ₹75,000 సంపాదించే ఆటో డ్రైవర్‌ను అలా చూడరు. ఇది విజయం యొక్క వింత నిర్వచనం” అని రాశాడు.
సోషల్ మీడియా స్పందనలు
ఈ వీడియోకు 1.4 మిలియన్లకు పైగా వ్యూస్ వచ్చాయి. నెటిజన్లు రకరకాలుగా స్పందిస్తున్నారు. “ఆ ₹75,000 ఆదాయం కోసం వారు తమ వ్యక్తిగత జీవితాన్ని మరియు సౌకర్యాలను త్యాగం చేస్తున్నారు” అని ఒకరు వ్యాఖ్యానించారు.
మరికొందరు.. “ఒక ఆటో డ్రైవర్ కొన్ని నెలలు బాగా సంపాదించవచ్చు, కానీ అతను రోజంతా ఎండలో, ట్రాఫిక్ జామ్‌లలో, అనిశ్చిత వాతావరణంలో రోడ్లపైనే ఉండాలి. ₹20-30 వేల ఉద్యోగం ఒక స్థిరమైన వాతావరణాన్ని, సౌకర్యాన్ని ఇస్తుంది. డబ్బు మాత్రమే జీవితం కాదు” అని తమ అభిప్రాయాలను పంచుకున్నారు.