“ఇది కారు మేడమ్, ఆటో కాదు!” పేద డ్రైవర్‌ను నడిరోడ్డుపై ఏడిపించిన మహిళ.. పోలీసుల మాట కూడా లెక్కచేయని వైనం.. మండిపడుతున్న నెటిజన్లు.!!

నోయిడాలో ఓ మహిళా ప్రయాణికురాలు ఓలా/ఉబర్ ద్వారా కారు బుక్ చేసుకుని దాదాపు 47 కిలోమీటర్ల దూరం ప్రయాణించింది.

గమ్యస్థానానికి చేరుకున్నాక ప్రయాణ ఛార్జీగా ₹650 బిల్లు వచ్చింది. కానీ ఆ మహిళ మాత్రం తాను ₹200 లేదా ₹300 మాత్రమే ఇవ్వగలనని, ఆటోలో వస్తే ఇంతే ఖర్చవుతుందని వాదిస్తూ డబ్బులు సరిగ్గా చెల్లించకుండా అక్కడి నుంచి వెళ్లిపోయేందుకు ప్రయత్నించింది.

“ఇది కారు మేడమ్, ఇంధనం ఖర్చు ఎక్కువుంటుంది.. యాప్‌లో చూపిస్తున్న పూర్తి మొత్తాన్ని చెల్లించండి” అని ఆ క్యాబ్ డ్రైవర్ ఎంత వేడుకున్నా ఆ మహిళ వినిపించుకోలేదు. దాంతో డ్రైవర్ పోలీసులకు సమాచారం అందించగా, పోలీసులు మరియు సంబంధిత యాప్ ప్రతినిధులు ఘటనా స్థలానికి చేరుకుని మొత్తం బిల్లు చెల్లించాల్సిందిగా ఆమెకు సూచించారు.

అయినప్పటికీ పోలీసుల మాటలను కూడా బేఖాతరు చేస్తూ, టోల్ గేట్ ఫీజు మరియు పెట్రోల్ ఖర్చులకు కూడా సరిపోని కేవలం ₹200లను డ్రైవర్ ముఖాన విసిరికొట్టి అక్కడి నుంచి వెళ్లిపోయింది. పేద డ్రైవర్ కష్టాన్ని దోచుకుంటూ, పోలీసులనే లెక్కచేయకుండా ప్రవర్తించిన ఆ మహిళ ప్రొఫైల్ ఖాతాను వెంటనే బ్లాక్ చేయాలని, ఆమెపై కఠిన చట్టపరమైన చర్యలు తీసుకోవాలని నెటిజన్లు తీవ్ర ఆగ్రహం వ్యక్తం చేస్తున్నారు.