షూటింగ్ స్పాట్లో తనతో సరదాగా మాట్లాడేందుకు యత్నించిన ఓ మహిళా అభిమాని లేదా తోటి నటికి, బాలీవుడ్ స్టార్ రణ్వీర్ సింగ్ ఇచ్చిన కామెడీ సమాధానం ప్రస్తుతం సోషల్ మీడియాలో వైరల్ అవుతోంది.
ఓ ప్రకటన చిత్రీకరణ సమయంలో కాఫీ బ్లెండర్ ఖరాబై నిశ్శబ్దం ఏర్పడటంతో, దాన్ని పోగొట్టేందుకు అక్కడున్న ఒక మహిళ రణ్వీర్తో సాధారణంగా సంభాషణ ప్రారంభించింది. కాఫీ తయారు చేసే విధానాన్ని ప్రస్తావిస్తూ “కెమిస్ట్రీ” అని ఆమె సరదాగా అనగా, రణ్వీర్ సింగ్ దాన్ని తనదైన శైలిలో నవ్వుల పూయించేలా మార్చేశాడు.
ఆ అమ్మాయి అలాగే సరదాగా మాట్లాడుతూ ఉండటంతో, రణ్వీర్ సింగ్ అకస్మాత్తుగా నవ్వుతూ, “చాలా ఫ్లర్ట్ చేస్తున్నారు… నేను ఇద్దరు పిల్లలకు తండ్రిని కాబోతున్నాను భయ్యా!” అని హాస్యస్పదంగా బదులిచ్చాడు.
అంతేకాకుండా రణ్వీర్ సమయస్ఫూర్తితో చమత్కారంగా చెప్పిన ఈ సమాధానం, అతడి ముఖంలోని నవ్వు అక్కడ ఉన్న షూటింగ్ బృందాన్ని, సోషల్ మీడియా వినియోగదారులను ఎంతగానో ఆకట్టుకున్నాయి.
ఇప్పటికే నటి దీపికా పదుకొణే – రణ్వీర్ సింగ్ జంటకు ఒక పాప ఉన్న సంగతి తెలిసిందే. మరో బిడ్డ కోసం ఎదురుచూస్తున్న ఈ తరుణంలో, షూటింగ్ స్పాట్లో రణ్వీర్ సింగ్ ఇచ్చిన ఈ క్యూట్ రియాక్షన్ అభిమానుల నుంచి విపరీతమైన లైకులను సొంతం చేసుకుంటోంది.
ఎప్పుడూ ఉత్సాహంగా ఉండే స్వభావం ఉన్న రణ్వీర్, ఎలాంటి ముభావమైన పరిస్థితినైనా తనదైన టైమింగ్ సెన్స్తో సరదాగా మార్చేస్తాడనడానికి ఈ సంఘటన మరొక ఉదాహరణ.