సోషల్ మీడియాలో విపరీతంగా వైరల్ అవుతున్న ఒక వీడియోలో.. ఒక తల్లి, ఆమె చిన్నారి బిడ్డ కలిసి ఒక పడవలో ప్రయాణిస్తున్నారు.
ఆ సమయంలో ఆ తల్లి చేతిలో మెరిసిపోయే ఒక ఖరీదైన ఐఫోన్ (iPhone) ఉంది. ఆమె ఆ ఫోన్లో ఏదో చూసుకుంటూ మునిగిపోగా, పక్కనే ఉన్న చిన్నారి కన్ను ఆ ఫోన్పై పడింది. అంతే.. క్షణాల వ్యవధిలో ఆ పసిబిడ్డ, తల్లి చేతిలోని ఐఫోన్ను లాక్కొని అలాగే లోతైన నీటిలోకి విసిరేసింది.
ఇది చూసిన ఆ తల్లి ఒక్కసారిగా షాక్కు గురై నిశ్చేష్టురాలైపోయింది. అంతా కనురెప్పపాటు కాలంలో జరిగిపోవడంతో, ఆమె ఆ ఫోన్ను కిందపడకుండా ఆపలేకపోయింది, నీటిలో మునిగిపోయిన ఫోన్ను తిరిగి తీసుకోనూ లేకపోయింది. కానీ, తాను చేసిన పని వల్ల ఎంత పెద్ద నష్టం జరిగిందో తెలియని ఆ అమాయకపు పసిబిడ్డ మాత్రం, ఫోన్ను నీళ్లలోకి విసిరేసి చాలా జాలీగా నవ్వుతూ ఎంజాయ్ చేసింది.
ఎక్స్ (X) ప్లాట్ఫారమ్లో ‘Tehxi’ అనే అకౌంట్ ద్వారా జూన్ 18న పోస్ట్ చేయబడిన ఈ వీడియో.. ప్రస్తుతం 5 లక్షలకు పైగా వ్యూస్ (వీక్షణలు) సంపాదించి విపరీతంగా వైరల్ అవుతోంది. ఈ వీడియోను చూసిన నెటిజన్లు స్పందిస్తూ.. “ఈ బాబుకి ఇంటికి వెళ్ళాక వాళ్ళ అమ్మ చేతిలో గట్టి పూజా కార్యక్రమమే జరిగి ఉంటుంది”, “ఇది జీవితంలోనే అత్యంత ఖరీదైన జ్ఞాపకం”, “పిల్లలకి ఎప్పుడూ ఫోన్లను దూరంగా ఉంచాలి” అంటూ రకరకాలుగా కామెంట్లు పెడుతూ నవ్వుకుంటున్నారు.