కొన్ని పథకాలు వినడానికి నమ్మశక్యంగా ఉండవు, కానీ ఇది నిజం. ఒక పల్లెటూరిలో నివసించడానికి అక్కడి ప్రభుత్వం మీకు ఏకంగా ₹40 లక్షల రూపాయలు ఇస్తోంది. అయితే ఈ పథకం ప్రయోజనం పొందాలంటే ప్రభుత్వం విధించిన ఒక షరతును ఖచ్చితంగా పాటించాల్సి ఉంటుంది. స్విట్జర్లాండ్‌లోని ఒక గ్రామం ప్రజలను ఆకర్షించడానికి ఈ వినూత్న పథకాన్ని ప్రకటించింది.
ఎందుకు ఈ పథకం? స్విట్జర్లాండ్‌లో జనాభా వేగంగా తగ్గిపోతోంది. ముఖ్యంగా ‘అల్బినెన్’ (Albinen) అనే గ్రామంలో జనాభా చాలా తక్కువగా ఉంది. ఆ గ్రామం కనుమరుగైపోకుండా కాపాడుకోవడానికి, అక్కడి ప్రభుత్వం 2018లోనే ఈ పథకాన్ని ప్రారంభించింది. ఆర్థికంగా వెనుకబడిన వారు లేదా స్విట్జర్లాండ్‌లో స్థిరపడాలనుకునే వారికి ఇది ఒక గొప్ప అవకాశం.
ఎంత డబ్బు ఇస్తారు?
- జంటలకు (Couples): మీరు భార్యాభర్తలుగా అక్కడ స్థిరపడాలనుకుంటే ప్రభుత్వం ₹40 లక్షల రూపాయలు ఇస్తుంది.
- కుటుంబాలకు: నలుగురు సభ్యులున్న కుటుంబం వెళ్తే ప్రతి వ్యక్తికి ₹22 లక్షల వరకు లభిస్తుంది.
- పిల్లలకు: 5 ఏళ్లలోపు పిల్లలు ఉంటే, ప్రతి బిడ్డకు అదనంగా ₹8 లక్షల రూపాయలు ఇస్తారు.
- అదనపు ప్రయోజనం: మీరు అక్కడ నివసిస్తున్న సమయంలో పిల్లలు పుడితే, దానికి అయ్యే ఖర్చులను కూడా ప్రభుత్వమే భరిస్తుంది మరియు అదనపు నగదు ప్రోత్సాహకం అందిస్తుంది.
ముఖ్యమైన షరతు: ఈ పథకం ద్వారా డబ్బులు తీసుకున్న వారు కనీసం 10 ఏళ్ల పాటు ఆ గ్రామాన్ని విడిచి వెళ్లకూడదు. ఒకవేళ మీరు ఒప్పందాన్ని ఉల్లంఘించి మధ్యలోనే వెళ్ళిపోతే, ప్రభుత్వం నుండి తీసుకున్న పూర్తి సొమ్మును తిరిగి చెల్లించాల్సి ఉంటుంది.
ఎలా దరఖాస్తు చేయాలి? ఆసక్తి గల వారు ‘అల్బినెన్’ (Albinen) గ్రామానికి చెందిన అధికారిక వెబ్‌సైట్‌కు వెళ్లి ఈ పథకం కోసం దరఖాస్తు చేసుకోవచ్చు.