సంఖ్యాశాస్త్రం ప్రకారం కారుకు నంబర్ను ఎంచుకునేటప్పుడు చాలా జాగ్రత్తగా ఉండాలి. కొన్ని సంఖ్యలను వాహనాలకు వాడటం అశుభమని, అవి యజమానికి ఇబ్బందులు కలిగిస్తాయని సంఖ్యా నిపుణులు హెచ్చరిస్తున్నారు.
ముఖ్యంగా కారు నంబర్లోని అంకెల మొత్తం (Total Sum) మూడు నిర్దిష్ట సంఖ్యలుగా వస్తే అది శుభప్రదం కాదని చెప్పబడింది. అటువంటి నంబర్లు ఉన్న కార్లు తరచుగా చెడిపోవడం, మెయింటెనెన్స్ ఖర్చులు పెరగడం లేదా ప్రమాదాలకు గురికావడం వంటివి జరుగుతాయట. సంఖ్యాశాస్త్రం ప్రకారం అశుభంగా భావించే ఆ 3 సంఖ్యలు ఏమిటో ఇప్పుడు తెలుసుకుందాం:
- సంఖ్య 9 (నెంబర్ 9):
సంఖ్యాశాస్త్రం ప్రకారం 9వ సంఖ్య కుజ గ్రహానికి (మంగళ గ్రహం) ప్రతీక. ఈ సంఖ్య దూకుడు స్వభావాన్ని (Aggression) ఆకర్షిస్తుంది. ఒకవేళ కారు నంబర్ మొత్తం 9 అయితే, ఆ వాహనం నడిపే వ్యక్తి డ్రైవింగ్లో కొంత దూకుడు ప్రదర్శించే అవకాశం ఉంది. దీనివల్ల అతివేగానికి గురయ్యే ప్రమాదం ఉంది. కాబట్టి, 9 నంబర్ ఉన్న కారు యజమానులు డ్రైవింగ్ చేసేటప్పుడు వేగాన్ని నియంత్రించుకోవాలని, ఆతురత పడకూడదని నిపుణులు సూచిస్తున్నారు. - సంఖ్య 8 (నెంబర్ 8):
9వ సంఖ్య లాగే 8వ సంఖ్య కూడా కారుకు అంత అనుకూలమైనది కాదు. ఈ సంఖ్య శని గ్రహానికి ప్రాతినిధ్యం వహిస్తుంది. కారు నంబర్ మొత్తం 8 అయితే, ఆ వాహనం కొన్న తర్వాత యజమాని కష్టాలు పడాల్సి వస్తుందని, చేసే పనుల్లో జాప్యం జరుగుతుందని నమ్ముతారు. అంతేకాకుండా, ప్రమాదాల ముప్పు కూడా ఎక్కువగా ఉండే అవకాశం ఉంది. ఈ నంబర్ యజమానులకు ఆశించిన స్థాయిలో మంచి ఫలితాలను ఇవ్వదు. - సంఖ్య 4 (నెంబర్ 4):
సంఖ్యాశాస్త్రం ప్రకారం 4వ సంఖ్య రాహువుకు ప్రతీక. కార్లకు ఈ సంఖ్యను అత్యంత అశుభకరంగా భావిస్తారు. కారు నంబర్ మొత్తం 4 అయితే, దాని ప్రభావం వల్ల వాహనంలో అకస్మాత్తుగా సమస్యలు రావడం, తరచుగా ప్రమాదాలు జరగడం మరియు కారు రిపేర్ల కోసం భారీగా ఖర్చు చేయడం వంటివి జరుగుతాయని సంఖ్యాశాస్త్ర నిపుణులు చెబుతున్నారు.