ఆదివారం నాడు ఇరాన్ ఇజ్రాయెల్ మరియు అమెరికా లక్ష్యాలను గురిపెట్టుకుని అధునాతన క్షిపణులను ప్రయోగించింది. ఫిబ్రవరి 28న యుద్ధం ప్రారంభమైనప్పటి నుండి తొలిసారిగా ‘సెజ్జిల్’ (Sejjil) క్షిపణిని ఉపయోగించినట్లు ఇరాన్ వార్తా సంస్థ ప్రెస్ టీవీ వెల్లడించింది.
సెజ్జిల్ క్షిపణి అంటే ఏమిటి? ఇరాన్ స్వదేశీ పరిజ్ఞానంతో రూపొందించిన ‘సెజ్జిల్-2’ ఒక టూ-స్టేజ్, సాలిడ్-ఫ్యూయల్ బాలిస్టిక్ క్షిపణి. దీని పరిధి సుమారు 2,000 కిలోమీటర్లు కాగా, ఇది దాదాపు 700 కిలోల బరువును మోసుకెళ్లగలదు. ఆకాశంలో ఇది శత్రు క్షిపణి రక్షణ వ్యవస్థలను (ఉదాహరణకు ఐరన్ డోమ్) తప్పించుకుంటూ, గమ్యాన్ని మార్చుకునే సామర్థ్యం కలిగి ఉండటంతో దీనికి ‘డ్యాన్సింగ్ మిసైల్’ అనే మారుపేరు వచ్చింది.
యుద్ధం 16వ రోజుకు: గత నెలలో ఇరాన్‌పై అమెరికా-ఇజ్రాయెల్ సంయుక్తంగా జరిపిన దాడుల తర్వాత ఈ ఉద్రిక్తతలు పెరిగాయి. ఈ దాడుల్లో ఇరాన్ సుప్రీం లీడర్ అయతుల్లా అలీ ఖమేనీ మరణించడంతో మధ్యప్రాచ్యంలో యుద్ధం తీవ్రరూపం దాల్చింది. ప్రస్తుతం ఈ యుద్ధం 16వ రోజుకు చేరుకుంది. పెంటగాన్ నివేదికల ప్రకారం, ఇరాన్ అంతటా ఇప్పటివరకు 15,000 లక్ష్యాలపై దాడులు జరిగాయి.