చికెన్‌తో ఏ వంటకం చేసినా రుచిగానే ఉంటుంది. అయితే, మన చేతి వంటకు సరైన మసాలా తోడైతే ఆ రుచి అద్భుతంగా ఉంటుంది. చికెన్ పులుసు (Chicken Kuzhambu) కోసం ప్రత్యేకంగా తయారు చేసే ఈ మసాలా పొడి గురించి తెలుసుకోండి.. ఇక మీ ఇంటి ఇల్లాలి వంటకు అందరూ ఫిదా అవ్వాల్సిందే!
కావలసిన పదార్థాలు:
- ధనియాలు – 100 గ్రాములు
- జీలకర్ర – 50 గ్రాములు
- ఎండు మిర్చి – 20
- కాశ్మీరీ ఎండు మిర్చి – 10 (మంచి రంగు కోసం)
- మిరియాలు – 50 గ్రాములు
- సోంపు – 25 గ్రాములు
- దాల్చిన చెక్క – 6 ముక్కలు
- యాలకులు – 6
- లవంగాలు – 10
- అనాస పువ్వు (Star Anise) – 3
- బిర్యానీ ఆకు – 10
- కల్పాసి (Stone Flower) – 1 గుప్పెడు
- గసగసాలు – 1 స్పూన్
- జాజిత్రి (Mace) – 1
- కరివేపాకు – 1 గుప్పెడు
తయారీ విధానం:
- ధనియాలు, జీలకర్ర, మిరియాలు, సోంపు, దాల్చిన చెక్క, యాలకులు, లవంగాలు, అనాస పువ్వు, బిర్యానీ ఆకు, కల్పాసి, జాజిత్రి మరియు గసగసాలను ఒక బాణలిలో వేసి మంచి సువాసన వచ్చే వరకు వేయించాలి.
- ఈ సమయంలో మంటను తక్కువ సెగపై (Low Flame) ఉంచాలి. మసాలాలు మాడిపోకుండా చూసుకోవాలి.
- తర్వాత ఎండు మిర్చి మరియు కాశ్మీరీ మిర్చిని విడిగా వేయించి పక్కన పెట్టుకోవాలి.
- చివరగా కరివేపాకును కూడా దోరగా వేయించాలి.
- వేయించిన పదార్థాలన్నీ పూర్తిగా చల్లారిన తర్వాత, మిక్సీలో వేసి మెత్తని పొడిలా చేసుకోవాలి.
అంతే! ఎంతో రుచికరమైన చికెన్ మసాలా పొడి సిద్ధం. దీనిని గాలి చొరబడని డబ్బాలో (Air-tight container) భద్రపరుచుకుంటే నెల రోజులకు పైగా తాజాగా ఉంటుంది.